كلاكيت هانعيد الثوره من تاني........ قصيده بقلم مصطفى محمود أبو إبراهيم

كلاكيت هانعيد من تانى
أصل الثوره مش عجبانى
فيلم ( قتلو إخوانى )
أول مشهد هز كيانى
دول كومبارس
صبحو الجانى
أما الجانى اصله أنانى
لسه بيحكم أفلام تانى
أول مشهد فى التحرير
صرخ الشعب وقال تغيير
وأخر مشهد بعد الثوره
كله بيهتف أيوه بقوه
يسقط يسقط حكم العسكر
دايما ظالم أيوه بيغدر
يلبس بدله يلبس بُكسر
شايف المنظر خلاص هانصور
كلاكيت... بقولك دور
حرق خيام وصراخ بألآلآم
ضرب بقسوة زووم على المنظر
قتلى وجرحى فى كل مكان
صور أكتر أوعه تفكر
لف الكاميرا أيوه كمان
هات ع الظابط شويه شمال
اصله طلع اكبر نشان
فى شارع الشهدا
إسم الشارع بكره يعود
هى دى طبيعة الافلام
كان إسمه محمد محمود
وقول كلاكيت قولها أوام
كلاكيت .... هانصور
المشهد هنا محكمه
فيها كتير ملحمه
دى محاكمة الرئيس
ايوه متأسمه
ولكل واحد دور
ده رئيس محكمه
وده حاجب إنما
ف الأصل ظابط هنا
تتذاع كمان على الهوا
وبعد جلستين
ومعاها ياليل ياعين
بأمر من المحكمه
الجلسه سريه
ونام ياشعب شبعت غلب
كلها افلام ...أفلام ...أفلام ...أفلام هنديه
وكلاكيت أخره مره الجلسه مش ليا