من الذى يقتل المصريين الآن ... الشاعر زغلول الطواب

من الذى يقتل المصريين الآن ؟
مبارك وجمال وسوزان
مبارك بيتكتك
وعامل نفسه أطرش وعيان
جمال بالموبايل بيرسل
للبلطجيه رجال الأعمال
من وراء القضبان
سوزان عرقوبها ناشف بس جباره
معاها الديب وكلاب الحراسه
بتنفذ والضرب ف المليان
أصل التكيه راحت
والعزبه يا خوانا هاصت
والكل بيعمل شو
فى وزارة الأعلام
مصر راجعه تانى
غصب عن مبارك وجمال وسوزان
غصب عن كل فل من فلولك
يا عميل الصهاينه والأمريكان
الثوره هتكمل
حتى لو راح مليون شهيد
وبكره الحقيقه هتظهر وتبان
وساعتها هنفذ فيكم حكم الإعدام
ولا هنحتاج لمجلس
ولا لنائب عام
الشعب هو القاضى
الشعب هو عشماوى
الشعب المصرى جعان
جعان للحريه
جعان للعداله الإجتماعيه
جعان للكرامه يا سوزان
الشعب قال كلمته
ومش هيرجع مهما كان
لابد من التطهير
من كل النظام
ومهما طال الظلام
نور الفجر هينور
وشمس الحريه هتوضح