ازاى أعيش

خايفه العمر يعدى ولا ألحقهوش
ولا أعيش حتى يومين من غير رتوش
ويحس قلبى بالونس اللى ماعرفهوش
قف يازمن عند خطوة الحب اللى ما شوفتهوش
*******
يانبض قلبى أستمر ولا توقفش
يا وحدتى منك تعبت وما بنمش
يا غربتى وخدانى لناس ما تفهمش
نفسى أروح لمكان ومنه ما أرجعش
********
ليه انكتب علينا للحياه مانعيشّى
ولجمال الحب والحياه ما نشوفش
ولو حبينا نوصل للآمان ما نعرفش
نفسى قلوبنا تفرح وللحزن ماتسمحش
********
بصيت فى المرايا أدور على نفسى ما شفتش
حققت فى ملامحى بس برضه ما عرفتش
تاهت البنت الطموحه فى الطريق ولا رجعتش
هزمتها الحياه وفى مظالمها ماعاشتش
********
قالولى تمسّكى بالأمل ولا تيأسيش
وعيشى اللى بقيلك وللحزن ما تسمحيش
حتى لو على حساب غيرك مايهمكيش
بس ماقدرتش ازاى بالأنانيه الانسان يعيش