أنا فيا حاجة بتتولد

أنا فيا حاجة بتتولد
قطرات ندي
في الصبح الأخضر
لامسه أوراق الورود
يمكن يكون عصفور شجن
فارد جناحه علي الوجود
أنا فيا حاجة اتغيرت
زي الوليد إخضر عوده علي الشجر
زان ضحكته فجر ينور يتوعد
يفرش خيوطه علي القمر
انا فيا حاجة اتلونت
قول شرنقه فكت حرير توبها
خيطان متزوقه
رسمت شعاع الشمس بخيوط من ذهب
المسني حس النبضه دي راحت لفين
لفت في جسمي وحولتني لنار وشوق
أحضن عيوني
وجوا رمشي
اقطف العناقيد ودوق
عناقيد عنب مدلعين
رقه وحنين
يمكن غزل
فيهم خجل
نورت لي فيهم حنين
أنا فيا حاجة اتحيرت
يمكن انا والحلم صرنا بحور أمل
متشربين
يمكن أكون
غنوة خجل
خارجة من بحر السنين العطشانين
يمكن اكون
كلمة محبه
تقوي حيل الصيادين العرقانين
يمكن أنا
من قلب بحر عينيك بنادي من سنين
المس كده
قلبي
وقول واخداك لفين
متخفش لسه الخطوة واخدنا
ومهما طرنا
نروح لفين
لازم حنرجع أرضنا
بشراع حنين
والحلم
أصبح مننا
غنوة حنان
وموجة أمل