الأقوال المستباحة في النقد والصراحة

الأقوال المستباحة في النقد والصراحة
لبخيت بن بيومي صاحب المساحة
* إلي دولة اسرائيل
تضربونا بالنار
وتقدموا اعتذار
ده كلام أونطة ميعجبش الأحرار..!!
* إلي المخرج العظيم يوسف شاهين
ياصاحب الفوضي السينمائية
لو كان ربنا مد في عمرك
كمان شوية
كنت شفت "الفوضي" الحقيقية..!!!
* إلي الاعلامي مجدي لاشين رئيس القناة الأولي بالتليفزيون
بفنياتك المعقولة...
وامكاناتك المهولة..
ممكن تثبت للجميع انك أحق
برئاسة القناة الأولي..!!!
* إلي الكابتن عصام الحضري حارس مرمي مصر
هيا الفلوس تعمل كده
ومن النادي ده
للنادي ده
وتبهدل الكباتن بالشكل ده..!!!
* إلي الإعلامية الأستاذة نهال كمال اللي كانت رئيس للتليفزيون
رحم الله امرأ عرف قدر نفسه..!!!
* الي سمير زاهر رئيس اتحاد الكورة
مدير فني للفريق
القومي أمريكاني
آه ياني
هيا أمريكا فيها كورة ياحلواني
ياخوفي ليطلع زي تارديللي الطلياني..!!!
* إلي الأستاذ أسامة هيكل وزير الاعلام
المستشار اللي الاعلام
يحتفظ بيه
لازم تعرف ليه
وعشان إيه
وحيفيد الاعلام بإيه..!!!
* إلي الموسيقار عمار الشريعي
الموسيقار ابراهيم رجب
حيوريك العجب
بسبب لحن زيزينيا
حيرفع عليك قضية
وحيقلب عليك الدنيا..!!!
* إلي الاعلامية الأستاذة مشيرة كامل نائب رئيس الاذاعة
يا أيوب الميكروفون والاذاعة المصرية
في الأيام اللي جاية
حتكوني أحق بأعلي المناصب الاذاعية..!!!
إلي المطرب تامر حسني
خليك كويس
وظريف وجميل
وكفايا عليك المغني
ومفيش داعي للتمثيل..!!!
* إلي العقيد معمر القذافي الغني عن التعريف
فضلت تقول جماهيرية
جماهيرية
لحد ما زنقوك الثوار
في باب العزيزية
* إلي من يهمه الأمر والعدوان
بيقولك الحاج عبدالموجود
عصابة اليهود
عشان خاطرك يا نمرود
قتلوا ظابط وأربع جنود
بيبينولينا العين الحمرة ع الحدود..!!!
* إلي فريق نادي الترسانة الرياضي
قليل البخت من زمان
ميلقيش في الدوري الممتاز مكان
ويلاقي الهزيمة من أسوان...!!