رسالة إلى الوالي

والله ثورة 25 يناير جرّت الدم في العروق وأدمعت العيون على الشهداء ومن الفرحة، ونمنا على رصيف التحرير 18 ليلة من أجمل أيام عمري وأنا كهل في السبعين وتبعها تصحيح الثورة في 30 يونية وكانت الفرحة الكبري بعد إزاحة الغمة العظمى من المتخلفين القتلة البرابرة الخوارج أعداء الاسلام والانسانية ومرت الأيام وتعالوا معي نشوف عمرنا بينسرق ازاي بالحسرة والقلق والدموع.
المتناقضات التي خلقها ربنا كلها في الشارع المصري تجد باشوات وبهاوات ومرسيدس وكارو - موتوسيكل وتوك توك - عربجية وحرامية - بسطاء وجهلاء - مجرمين وشحاتين - محترمات وساقطات - طالبات وخادمات - فنانين وفنانات ومدعين أشباههم فاسدين وفاسدات - عيال شقيانة وعيال شوارع غلبانة وعيال بهوات مدلعة ومن كتر الفلوس والترامادول تحولوا الى مدمنين.
مصر كلا عشوائية كبيرة.. القمامة والاشغالات في قلب العاصمة اللي الواحد المحترم عايش فيها.. يبقى مش عايزها تكون في كل مصر؟!!
الشعب الطيب انهبل من كتب الضحك عليه.. بيقولوا عدالة اجتماعية وهم بيقبضوا الحد الأقصى والشعب مش لاقي يأكل أو يتصالح أو حتى يضحك على نفسه من الحسرة وقلة القيمة.
نازلين اجتماعات وقرارات بتفكرنا بالخطط الخمسية بتاعة زمان 1952 مع الدكتاتور الأعظم ولم تجن مصر من وراء هذه الخطط غير الفقر والجهل والمرض والفساد.
يا سيسي نحن نحبك.. من فضلك فعّل الشريعة الثورية ولا تتبع خطى من قتلوا المصريين وحولوا مصر الى عشوائية كبيرة.
الجيش حمى مصر ويصيد أعداءها، ده شىء جميل وواجب، وهو درع الوطن اذا سقط سقطت مصر.. كما سقطت العراق وغيرها.
لابد من حماية الوطن من الداخل وذلك بتفعيل الديمقراطية الحقيقية ولن يتم هذا الا باحترام الاحزاب لتبادل السلطة وتفعيل تطبيق العزل السيسي وتعديل قانون الانتخاب، ويجب محاكمة عسكرية فوراً للفاسدين وأذنابهم اللي سرقوا مصر وأخذوا براءات شامخة وقانونية وبيتمتعوا بفلوسنا وهم في بيوتهم يخرجون لسانهم للشعب وأهالي الشهداء، لابد من المحاكمة على الفساد السياسي فوراً.. والا لن تسلم مصر.
سيبك من المحاكمات المدنية اللي عدالتها غير ناجزة.. يومهم بسنة.. والله أنا أحب القضاء وأحترمه.. ولكن الفساد غطى العيون في مصر ويحاول الفاسدون القفز على السلطة من خلال البرلمان القادم.
الشهداء بتصوت في القبور.. اطرد أذناب الفساد اللي حولك والله البلد مليانة شباب متعلمة ومحترم وذوي خبرة عالية ولكن الأفاعي والمنافقين والرقاصين مسيطرة وبترش فلوس كويس.. فتجد المحترم يهرب ويختفي بعيداً عن هذا الجو السيئ الخبيث.
استقال من البنوك 150 قيادة محترمة طبعاً البنوك المصرية.. حاجة تفرح العال كله بيجري وراءهم لكفاءتهم ولكنكم فرضتوا عليهم الحد الأقصى وهو لا يتعدى 10٪ مما يقبعونه ويمكن أقل كمان.
آه لازم يلتزموا ولكن لو هناك قدوة حسنة.. هم يستحقون الحد الأدنى لأنهم منتجون ويحافظون على مصارفنا واقتصادنا المالي وبيكسبوا بنوكهم وينموها بالعلم والأمانة.
أما رجال الحكومة والقطاعات المختلفة يجب أن يقبضوا مثلنا لأنهم بنطلونات متحركة والبلد بين أيديهم خراب من أول الوزير حتى الكناس.. مافيش حد بيشتغل كله بيقلب رزقه مع البيزنس وكله تمام يا فندم.. دول عبدة الجنيه من أي طريق رشوة وخلافه وحظ في البلد والناس.
محافظ بورسعيد.. هناك العديد من الملاحظات على أداء يقل انه زميل سابق للرئيس السيسي.. معقول؟!!
سيادة الوالي السيد المحترم رئيس مصر أرجوك حبنا زي ما بنحبك والله نحن بنحبك بجد حتى الآن.
المنسق العام لحزب الوفد