نشطاء للأتراك: "لو عندكم سجين بذقن اخلصوا منه"

يشهد الشارع التركي أزمة إثر اشتباكات اندلعت أمس؛ احتجاجا على مشروع حكومي يقضي بتحويل حديقة تاريخية تدعى "غيزي بارك" إلى مركز ثقافي وتجاري، بين المتظاهرين والشرطة وهو ما أثار نشطاء مواقع التواصل الاجتماعي، وانطلقت التعليقات..
تعددت الآراء في مصر والوطن العربي حول ما يحدث في تركيا ما بين ساخر وواقعي ولاذع، واعتبر آخرون أن ما يحدث بتركيا خير لمصر التي تنوى تنظيم مليونية ضخمة في 30 يونيو تطالب بسحب الثقة من الرئيس محمد مرسي، وإجراء انتخابات رئاسية مبكرة.
قالت sotaita7sabo: "تلاقي أردوغان عاير مرسي بعجزه.. فقعد له في "تقسيم" تركيا"، وقالIbrahim_Elgarhi : "اردوغان يتهم الإعلام والمعارضة بالتحريض وبيقول على المتظاهرين متطرفين.. ثورة تركيا دي مش ناقص غير يطلعلها حازم أبوإسماعيل.. نصيحة لثوار تركيا: فيه راجل متختخ وبدقن وجاعورة هاتلاقوه عندكم في سجن وادي النطرون.. اخلصوا منه وبعدين ابقوا اعملوا ثورة". وقالت liliane daoud: "اتخيل أردوغان يقول: تركيا ليست تونس.. تركيا ليست مصر! خطاب أردوغان الآن".
Negad El Borai: "‏عمليا ما يحدث في تركيا يؤكد أن الناس تظل مشتاقة الي الحرية والمشاركة في الحكم حتي لو كان الحاكم ناجحا اقتصاديا ليس بالخبز وحده يحيا الإنسان".
Amani Mahgoub: "نصيحة لثوار تركيا أول واحد يطلع من السجن ومعاه تليفون اقتلوه علي طول".
Wael Abbas: "ده العيال اتفرجوا على مسلسلين تركي افتكروا ان تركيا بقت جنة! لا تركيا مليانة مشاكل وخرا وعنصرية واستغلال وفقر واضطهاد وقواعد أمريكية.. الخ".
Samira Ibrahim: "ما يحدث فى تركيا الآن ضربة قوية للإخوان".
The Big Pharaoh: "‏لا لا كده كتير. حتى الشاب اللى قدام مدرعة الشرطة ظهر فى تركيا. ده كوبى بيست".
Hesham Mansour: "‏وحياة أبوكوا مش عايز أشوف حد بيقارن تركيا بمصر خالص عشان ما أتعصبش عليه، دول عملوا حريم السلطان ودول عملوا حريم كريم".
نبيل الحلفاوى: "ما يحدث فى تركيا مشابه للصدامات العنيفة التى نراها أحيانا فى فرنسا وانجلترا.. هذه بلاد لا تحتاج ثورة كى تسقط سلطة.. الصندوق صناعة أوروبية.. أصلى".
Dolce©: "على فكرة متابعة ما يحدث فى تركيا بيدى حماسة للشباب عندنا فى مصر على التمرد.. ملعون كل نظام قمعى يتعامل مع شعبه بالقسوة وقنابل الغاز".
عبدالله كمال: "بحثت عن أخبار مظاهرات تركيا في وكالة الاناضول.. ثم تذكرت أنها متخصصة في الشئون المصرية فقط.. أقصد الشئون الإخوانية".
مشعل السبيعي: "تركيا: وزارة الداخلية تعلن انه سيتم اتخاذ الاجراءات القانونية بحق رجال الشرطة الذين تصرفوا بشكل «غير مناسب».. اسمعي يا داخلية.. مفيش ترقيات".
seafoxQ8: "الحكومات الاخوانية سقطت في ليبيا وتونس والمغرب ومصر والآن في تركيا، وإلى الآن إخوانجية الكويت يخططون لحكومتهم. انتهى الدرس الناس كرهوكم".
Hananrostom: "الناس اللى عمالة تقول تركيا عملت كدة علشان شوية شجر احب اقولهم ان الناس دى مبقوقة وشكلهم كده جابوا آخرهم".
amrhamdon: "كرامة الشعوب فوق اي شرعية لكن نقول ايه لناس عايشة على السمع والطاعة ورئيس تركيا عشان الباقي طراطير زي مرسي كدا".
amanel7aiah : "هتاف البنات مساندة لأحداث تركيا: على تركيا طالعين نجيب "كريم ومهند" وراجعين".
هشام الجخ: "لو ثورة تركيا زي مسلسلاتها يبقى معاك 300 حلقة جزء اول".
خان يخون إخوان: "نصيحة للشعب التركى هيظهر واحد بدقن وبكرش وهيملى تركيا بوسترات خدوا بالكم امه أمريكية".
Hania Hesham: "يا رب تبقي ثورة تركيا شعلة ثورتنا على الفساد والظلم والخلاص ونرتاح بقي".
nawaranegm0 : "الثورة في تركيا يا ترى تركيا عندها جمال وأحصنة ولا نبعت لهم من عندنا كام جمل على كام حصان علشان "موقعة الجمل" بتاعتهم".
Wael Khalil: "‏التكليف نازل للإخوانجية أن مظاهرات تركيا ضد منع الخمر.. وماله.. رغم أن كل الشبكات الإخبارية بتتكلم عن إن الاحتجاج ضد المول وضد عنف الشرطة".
Ahmed Beh ®: "كده حسن مالك خد صبونه Savanna.. باعتباره اكبر رجل اعمال مصرى بيتعامل مع تركيا".
MdyonneR : "هل يجرؤ القرضاوي «مفتي الديار الإخوانية» أن يدعو حلف الناتو للتدخل في تركيا لإنقاذ الشعب التركي على غرار دعوته لتدخل في سوريا"؟!
Rabab youssef : "المنظر مهيب فى تركيا ايه الاعداد دى، اكيد بداية ثورة على الحكم الاسلامى الفاشي".