وفاة الفنان عاطف سعيد .. وغانم يكشف السر

رحل الفنان عاطف سعيد، عن عالمنا منذ قليل، وأعلن خبر الوفاء صديقه الفنان محمد العمروسي، حيث نشر صورة للراحل عبر حسابه الرسمي بموقع التواصل الاجتماعي للصور والفيديوهات فيسبوك.
اقرأ أيضًا:
محمد العمروسي يكشف عن شخصيته في "طير بينا يا قلبي"
وعلق عليها قائلًا: محمد العمروسي قائلًا: "الله يرحمك ويسكنك فسيح جناته ويصبر أهلك على فراقك".
وكتب الحساب الرسمي للفنان عاطف سعيد: "توفى إلى رحمة الله الفنان عاطف سعيد وصلاة الجنازة بعد صلاة العصر"، دون تحديد مكان الجنازة.
وكشف الفنان الشاب عمر غانم، عن سبب وفاة عاطف سعيد، وذلك من خلال منشور عبر حسابه الرسمي "فيسبوك" يروي فيه تفاصيل آخر مقابلة معه.
وكتب قائلاً: "كنت كل ما أعدي من جنب قهوة صدفة، اللي جنب المعهد كنت ألاقي عم عاطف قاعد لواحده مهموم، كان أول ما يشوفني يقول لي تعالى أقعد أشرب معايا شاي، أقعد معاه يقعد يشتكي ليا من قلة الشغل، ويحكي ليا قد إيه هو بيحب الفن ومش عارف يعمل حاجه غيره، رغم ظروفه الصحية والمادية الصعبة، ويقعد يحكي ليا عن مواقف ووعود كذابة بياخدها من نجوم كبار".
وأضاف : "كان عايز ينزل تصوير بأي شكل، وكانت آخر مرة شوفته كانت من حوالي أسبوعين، كنت في تصوير ولقيته هو وابنه اللي ربنا يتولاه من بعده، في اللوكيشن بالصدفة فبسأله بتعمل إيه هنا يا عم عاطف، رد وقال لي جي
أسعى وأقابل المخرج والنجم فلان، علشان كان قايل لي إنك معايا في المسلسل اللي جي وقال لي يا عمر، أنا ممكن أعمل زي ناس كتير، وأنزل بوست وأطلب شغل وأعمل زي كل الي بيعملوا كده النهارده، لكن كرامتي متسمحش لي اعمل كده".
وتابع غانم: "اللي مزعلني بجد إنه كان مكلمني من أسبوع، وطلب مني أني أروح معاه لشركة لما عرف إن صاحب الشركة صديقي، وأنا وعدته أول ما أرجع القاهرة هكلمه، ونروح سوى وسبحان الله كان في بالي امبارح إني أكلمه وأقول له إني راجع خلال يومين لكن ربنا افتكره".
واختتم منشورة قائلًا: "عم عاطف كان راجل محترم ومكافح، وعنده عزة نفس كان فنان جميل، وقدر يعلم معانا بمشاهد بسيطة، لكن أثبت وجوده بيها وطول ما أنا معاه كانت الناس لما تشوفوا تجري تتصور معاه وكان يبقى فرحان أوي، الأستاذ عاطف مات بحسرته لكن راح لربنا العدل".