عمرو أديب ينتقد ارتفاع الأسعار.. التجار بيلعبوا بالنار (فيديو)

لا تزال معاناة المواطن من ارتفاع الأسعار مستمرة بل ترتفع وتيرتها بشكل متواصل في الوقت الذي توجه أصابع الاتهام للتجار التي تستغل ارتفاع سعر الدولار لرفع أسعار السلع بشكل مبالغ فيه وبمبالغ لا تتناسب مع الزيادة في سعر الدولار.
وحذر الإعلامي عمرو أديب، من الاستمرار في رفع الأسعار، مؤكدا أن هذا سيسبب ركودا كبيرا وربما نصل لفترة لا يجد التاجر من يشتري السلع رغم توفرها لديه بسبب ارتفاع الأسعار.
اقرأ أيضا.. فوضى ارتفاع الأسعار
وأضاف الإعلامي عمرو أديب، خلال تقديمه برنامج "الحكاية"، المُذاع عبر فضائية "إم بي سي مصر"،مساء اليوم:"فيه ناس عاوزة تمص دمنا.. وسؤالي اللي مش لاقي له إجابة لماذا يستمر ارتفاع الأسعار؟ نتحدث عن سعر العلف والسكر والأرز والبيض، لماذا يزيد؟.
وأشار: "اللي بيجرى في السوق ده هيبوظه
حتى الطبقات الغنية بتتكلم عن الأسعار"٫ متابعا: "الناس انكوت بغلاء الأسعار، والأسعار بهدلت الناس، عندك شعب صابر وبيستحمل وبيحاول يتصرف، متدوسش أكتر من كده، خصوصا إن الدولار وقف عند 24.5 جنيه".
ووجه رسالة للتجار قائلا: "هتحرموا السوق من الطرفين اللي بيبع واللي بيشتري، ايه اخرة الجشع ده، تعاونوا معانا نعمل حركة رخمة ونقول خلّوا رزّكم ليكم ونستورد من برة"٫ مضيفا: "أنا بقولكم مكسب وخسارة مجبتش سيرة الضمير، انتوا باصين تحت رجليكم والنتائج مش هتكون كويسة٫ انتوا بتلعبوا بالنار".
للمزيد من أخبار الميديا اضغط هنا