وجه الرئيس عبدالفتاح السيسي، رسالة للمواطنين، مُطالبًا إياهم بعدم تصديق ما يشاع ضد الدولة، مُعقبًا :"الدولة لا تُقيم أي مشروعات للترف، ونقوم بتنفيذ خطة كبيرة لجذب الاستثمارات والسياحة الجديدة". اقرأ أيضًا.. السيسي: 20 دولة فقط تسبب 80% من الانبعاثات وآثار التغير المناخي. قال "السيسي": "أوعوا تسمعوا كلام حد يسيئ ليكم، بنحاول نكون أمناء مع المصريين في كل شىء طيب نخبى عليكم ليه؟". وتابع: "أي حاجة بتتعمل بدراسات، مش ناس قاعدة مع بعضها، دي مكاتب عالمية، وكل شيء بيدرس، نصرف على مقتضاها المليارات، طيب النتيجة ايه 2 مليار اللى جم السنة اللى فاتت يعني 37 مليار جنيه غير اللى قبله". تابع الرئيس: "كان مهم نقول الكلام ده لمصر والإعلام، أوعى تتكلم إن مصر كويسة هات اللى قالوا كله وضحكونا على اللى قالوه.. مالكم خايفين تجيبوا اللى قالوه؟.. بنرد عليهم بالواقع والحقائق". أكد الرئيس عبد الفتاح السيسي، أن الدولة عندما قامت بتنفيذ مشروع قناة السويس الجديدة في عام 2014، بدأ البعض يتساءل عن أسباب التنفيذ وآخرون قاموا بالتشكيك. وأضاف: "يهمنا نتكلم على الحالة اللي بتتعمل معاكم يا مصريين.. هما دايمًا واخدينكم في حتة، واحنا باين علينا مش عارفين ندافع عن نفسنا كويس، المفروض نجيب موضوع موضوع ونجيب التعليقات، في تعبيرات طلعت على المشروع ساعتها.. ميصحش نقولها". ثم تابع: "هاتوا الكلام اللي اتقال على المواقع والإعلام المناوئ، وأتكلموا عليه.. ده مثل حي أزاي هما عايزين يخوفوكم وييأسوكم، اللي يدافع يجيب اللي اتقال علينا، ونضعه على الشاشة ونشوف"، وهذا حتى يفهم المواطن البسيط في الشارع أنه مُستهدف "عايزين يضعفوه ويخوفوه وييأسوه، معندهمش غير التشكيك والإساءة". افتتح الرئيس عبدالفتاح السيسي، صباح اليوم، القرية الأولمبية لهيئة قناة السويس، واستمع لشرح مفصل عن تصميم القرية. حيث تضم أحدث الاستادات الرياضية، ونادى صحى رياضى يضم "جيم" على مسطح 850 مترًا مربعًا، ووحدة للطب الرياضى لعلاج الإصابات الرياضية. تفقد الرئيس عبدالفتاح السيسي، صباح اليوم الخميس، هيئة قناة السويس، ويفتتح خلال الزيارة القرية الأوليمبية للهيئة. صرح بذلك السفير بسام راضي، المُتحدث الرسمي باسم رئاسة الجمهورية. وشهد الرئيس السيسي، تدشين الوحدات البحرية الجديدة، وكذلك الموقف التنفيذي لتطوير القطاع الجنوبي للقناة. جاء ذلك خلال كلمته في افتتاحه صباح اليوم، القرية الأولمبية لهيئة قناة السويس.
