محمد عطية يكشف ما لا يتقبله من الأديان

أثار الفنان محمد عطية الجدل مؤخرًا عبر صفحات مواقع التواصل الإجتماعي بتصريحاته خلال حواره في برنامج "شو القصة" مع رابعة الزيات ولعل أبرزها هو حديثه عن الأديان .
(أقرأ أيضًا) محمد عطية يستعد لتصوير مسلسل روح برفقة كارين رزق الله
وقال عطية أن هناك 4200 ديانة على وجه الأرض لا يدخل اتباع أي دين منهم الناس الجنة أو النار قائلًا:" مفيش ولا دين بيقول لو مؤمنة بدين تاني هتدخلي الجنة، والصح والغلط غير الحرام والحلال، وأي قانون بيجرم حاجات ممكن تكون حلال، وبيحلل حاجات ممكن تكون حرام زي في تونس منعوا تعدد الزوجات وهو حلال، وفي مواضع بيكون فيها القتل حلال وأنا مستحيل أوافق على القتل بأي شكل من الأشكال، فالموضوع متداخل ومتشعب علشان كده نسبي والمفروض يكون المرجع بتاعنا الإنسانية".
وأضاف عطية أن الدين أصبح الآن لا يقتصر على علاقة العبد وربه وإنما مراقبة الناس لتلك العلاقة والحكم عليهم، وأشار أيضًا أنه مع الزواج
المدني، ولا يفرق معه ديانة شريكة حياته ، قائلًا: "على حسب الشخص اللي قدامي هو مسلم مسيحي أيا كان المهم الشخص اللي قدامي يكون إنسان، دا لو أتجوزت".
وعن مبدأه برفض الزواج أوضح: أنا مش ضد الزواج، لكنه عرف بشري اخترعوه بسبب الزراعة لكن هو مكنش موجود، إذا أنا حبيت إنسانة ليه ندخل المجتمع والقوانين بيننا".
وأكمل: "المساكنة بتكون أفضل من وجهة نظري، اللي بيزود نسب الطلاق أن الناس بتتجوز عمياني، أنا ممكن أتجوز لكن بعد ما نوصل أن أحنا ينفع نعيش مع بعض، لكن مستحيل أتجوز واحدة شفتها عجبتني وحبيتها ونخلف، دي مسئولية كبيرة جدا".