(فيديو) هنقتل وهنولع الدنيا.. السيسي يكشف عن تهديدات خيرت الشاطر قبل 30 يونيو

كشف الرئيس عبد الفتاح السيسي، أن الجيش تعرض لتهديد مباشر من قبل جماعة الإخوان 3 مرات، موضحًا: "مرة اتعمل مع المشير طنطاوي وكان لو الانتخابات طلعت غير مرسي البلد هتولع".
اقرأ أيضًا.. السيسي يؤدي صلاة العيد في مسجد المشير طنطاوي
وأضاف السيسي، خلال احتفالية عيد الفطر مع أبناء الشهداء: "المرة التانية كانت من خيرت الشاطر، لما قال إحنا حرقنا مقرات الأمن الوطني ونقدر نعمل محاكمة شعبية ليهم ونحاكمهم".
وتابع: "المرة التالتة كان التهديد ليا شخصيًا وقسمًا بجلال الله 45 دقيقة يعملي بإيده كدة "في إشارة إلى إطلاق نار"، 45 دقيقة بيقولي هنقتل وهنولع الدنيا،
أنا بقسم بالله علشان هتلاحظوا أن رد الفعل على المسلسل عملت استنفار من جانبهم و'دعاء وتشويه وزيف، رغم إني أنا قعدت 7 سنين لم أذكرهم مرة وبقول أهل الشر علشان أديهم فرصة يتراجعوا عن الشر".
وأكد أنهم حاولوا حل الأزمة مع جماعة الإخوان بدون مواجهة أو صدام، مضيفًا: "حاولنا كتير أوي نحل المسألة بدون مواجهة أو صدام ولكن للأسف الإدعاء والتشويه والشائعات حتى دلوقتي محدش عايز يفكر يقول يا ترى اللي اتقال ده كان حقيقة
أو نص حقيقة أبدًا، ربنا يكفينا أهل الشر".
وتابع موجهًا حديثه للشعب المصري: "كل سنة وأنتم طيبيين، خلوا بالكم من بلدكم".
وأوضح أنهم راعوا خلال كتابة البيان الذي أصدره الجيش في 3 يوليو، على ألا يحدث صدام، متابعًا: "لا قلنا فيه عزل رئيس ولا قلنا فيه جماعة إرهابية، وأنا بقول لكم الكلام ده لأن في كتير من الناس مكانوش مصدقين أني أنا مستعد لأجل خاطر الحقيقة والصدق والأمانة أنها متتشوهش".
ووجه رسالة إلى أبطال ونجوم مسلسلي "الاختيار 3" و"العائدون"، مؤكدًا أن عمل درامي ب100 كتاب وب100 ساعة حوار، مضيفًا: "أنتوا متعرفوش أنتوا عملتوا إيه، مش عاوز أتكلم علشان إحنا في عيد، لكن حتى البيان اللي كتبناه في 3 يوليو كنا حريصين لأخر لحظة إنه ميحصلش صدام".