كان ممكن أحبسه| عمرو يوسف يرد على شائعة اعتدائه على عامل في مهرجان الجونة (فيديو)

كشف النجم عمرو يوسف، تفاصيل الشائعات التي انتشرت بشأن اعتدائه على عامل خلال مهرجان الجونة.
اقرأ أيضا
(فيديو) عمرو يوسف: كان نفسي أشارك في مسلسل الاختيار
وَرَدَّ عمرو يوسف على الواقعة لأول مرة، قائلا: "تعرضت لظلم شديد، وأغلبية الوقت مش برد، وأول مرة أتكلم عن الموضوع ده، واللي حصل لإن نزل خبر إنى اعتديت على عامل؛ عشان طلب يتصور معايا، ومش متخيل إزاي حد يصدق حاجة زي كده، إني اضرب شخص نفسه يتصور معايا.. ده عبث".
وأضاف الفنان عمرو يوسف، خلال حواره ببرنامج "حبر سري"، مع الإعلامية اسما ابراهيم، على قناة القاهرة والناس، : "الحقيقة كنا معزومين على العشاء في ثالث ليلة من أيام المهرجان، وكنا 20 واحد على الترابيزة، والولد ده كان حاطط كاميرا التليفون على صدره، وبيصور بخبث، وكشفته، وقلت له بتعمل إيه؟، خاف وساب الفنانين وجري، وطلعت بره لقيت الولد واقف بره، وقلت له افتح الفون؛ خاف وطلع يجري".
وتابع: "واحد من زمايله جه، وفتح لي التليفون؛ لقيته مصور لايف 3 دقائق، ودخلت بصيت على فونه؛ لقيت بلاوي على التليفون، وخليت التليفون معايا، وثاني يوم خاله اتصل على الفون، ورديت عليه، وبيقولي أنا عرفت القصة، وأنا بعتذر لك، وأمه كلمتني واعتذرت لي، وقالت لي ابني نفسه يمثل، وهو كل يوم بيعمل لنا مشكلة".
وأردف "أمه كانت خايفه أبلغ عنه، والتليفون كان فيه حاجات تحبسه وتوديه في ستين داهية، والتليفون كان كارثة، وقلت لهم أنا همسح التليفون بالكامل، وهرجع لكم التليفون، والولد غلطان 100%، وطلع بعدها إشاعة إنى أنا اللي ضربته، وده محصلش خالص".
للمزيد من أخبار الميديا اضغط هنا