أنغام عن أغنية شنطة سفر: خطفتها من مطربة وأحرجت أبويا وبعت عربيتي علشان أنتجها

قالت الفنانة أنغام: "دخلت اختبار الإذاعة وانا عندي 15 سنة وكدبت عليهم وقلتلهم إن عمري 17 سنة، وقالولي مش هانعتمدك علطول ولكن هنعطيكي فرصة بتسجيل أغنية عن الأم في الإذاعة وده اللي حصل واتسجلت في الفرقة الماسية وطلعت بيها أول حفلة وأخدت الإعتماد بعدها".
أقرأ أيضًا: أنغام تكشف كواليس بدايتها وأسرارها الفنية
وأضافت الفنانة أنغام، خلال لقائها ببرنامج "سهرانين" الذي يقدمه الفنان أمير كرارة على فضائية"أون إي":"أول حفلة الإذاعة كانت عظيمة وقتها".
ولفتت: "أول ما طلعت للناس في اول حفلة ليا الناس سقفت اول ما شافتني واتخضيت من رد فعلهم، ولكني كنت جريئة، وعجبتهم من أول كوبليه".
وعن الدكتورة رتيبة الحفني:"الناس دي اللى ربتني وكان ست عظيمة وانا محظوظة ان الحقت العظماء دول، وكانت عميدة معهد الموسيقى العربية وجابتني
في المكتب عندها ونزلت مخضوضة ساعتها فقالتلي أن سمعت إنك بتغني فقلت لها انا بغني في الاذاعة والتليفزيوني فطلبت تسمع صوتي، فغنيت حاجة صغيرة ومكنتش في مودي ومش مجمعة، فقالتلي عايزينك تغني في فرقة أم كلثوم، فقلت لها انا هاغني صولو مش هاغني في الكورال، واعطتني الفرصة وطلعت غنيت أغنية "بسبوسة" للموسيقار محمد عبدالوهاب".
ولفتت:"اغنية شنطة سفر، مهمة وفي وقتها لأن فترة كانت الشباب بتهاجر وكل بيت تدخله تلاقى شاب مسافر علشان أكل العيش، والشاعرة فاطمة جعفر إسكندرانية زيي وكتبتها علشان اخوها كان مسافر، وغنيتها وأبويا لحنها، وكانت بالمناسبة مكنتش بتاعتي وأخدتها ودي كانت نعمة ورزق، وانا
أخدتها من أبويا علطول بدون استئذان، وأبويا أحرج شوية من الست ولكني قلت له دي فارقة معايا وعايزاها وغنتها، والمنتج اللى كان عاملي الشريط ده توفى فكده مكنش فيه انتاج".
وتابعت: "وردة الجزائرية بعد كليب "سيدي وصالك" كملتني من باريس، وأنا فرحتي كانت قد الدنيا بكلامها لأنها كانت بتكملني في عز مرضها ومعرفش إزاي الكرم بتاعها كان غير عادي وقالت لي الأغنية هتكسر الدنيا وهتقولي وردة قالت، وقد كان الأغنية نجحت نجاح كبير".
ولفتت: "وردة الجزائرية لما ابتديت أغني كانت بتطلعني في معظم حفلاتها وكنت بطلع أغني قبلها وكانت بالنسبة لي فرصة عظيمة، وكترت جمهوري، وفي يوم من الأيام حطت صورتي جنب صورتها على الأفيش في حفل نادي الترسانة".
وأكملت: "حفلات وردة الجزائرية كانت مهمة أوي بعد أم كلثوم وعبد الحليم حافظ، والناس كانت بتقعد تتفرج بالليل في السهرة عليها، وهي من اللي ربوني فينيا وإزاي أقف على المسرح وآكل الناس".
للمزيد من الأخبار طالع alwafd news