عائشة بن أحمد تكشف مشكلة تواجهها بسبب قلة النوم|فيديو

قالت الفنانة التونسية عائشة بن أحمد:"وأنا صغيرة لو مكنتش أنام بدري الساعة 8 بالليل كنت بفضل أعيط جامد وبحس ان فيه كارثة هتحصل وانى مش انسانة طبيعية لو منمتش بدري".
أقرأ أيضًا: عائشة بن أحمد وجه تونسي يتألق في سماء القاهرة
وتابعت "بن أحمد"، خلال لقائها ببرنامج "سهرانين" الذي يقدمه الفنان أمير كرارة، على فضائية "أون إي":"لغاية دلوقتي انا بنام بدري، وبسهر لما يكون فيه شغل أو خروجة، ولكن بحس انى لو مصحتش بدري ان اليوم ضاع ومعملتش فيه أي حاجة ومش عايشة يومي كويس".
واضافت:"لو نمتى متأخر يومي بيتلغبط
وباكون متعصبة ومش طايقة نفسي ولا اللى حواليا ومزاجي وحش، وبحتاج انام علي الأقل 8 ساعات، علشان كده مبحبش السهر".
وأكدت الفنانة عائشة بن أحمد في حديث سابق، أن "علاقتها بزملائها فى الوسط الفنى جيدة جدًا، ولكن ليس لديها الكثير من الأصدقاء من النجوم".
وأضافت عائشة في لقائها ببرنامج "الراديو بيضحك"، تقديم الإعلامية فاطمة مصطفى، عبر الراديو 9090: "عندى أصدقاء فنانين فى تونس أكتر وده شئ طبيعى، أنا مش فى بلدى ولسه مش عارفة الناس
هنا كويس، وكان صعب إنى اندمج كده بسهولة فى الأول".
وعن علاقتها بالسوشيال ميديا قالت: "أنا بالنسبة لى مواقع التواصل الاجتماعى لها هدف، يعنى لما أجى أنزل حاجة بقول إيه الهدف من الصورة دى، أو من البوست أو الكلمة اللى هاكتبها، وماينفعش انزل صورة علشان بس الناس تشوفنى".
وعن مسلسل نيوتن قالت لم أتوقع كل هذا النجاح للمسلسل وان كنت توقعت أن يحظى بمتابعة جيدة من الجماهير لأن الشخصيات تركيبتها غريبة ومثيرة والأحداث متنوعة وسريعة وتناقش قضية مهمة
وكشفت عائشة علاقتها بأبطال المسلسل، قائلة: "أنا بحب سيد رجب جدًا وهو شخص محترم وصديق عزيز هادئ وحساس".
وأبدت "الفنانة" سعادة شديدة بالعمل مع منيري ومحمد ممدوح وكل أبطال العمل.
للمزيد من الأخبار طالع alwafd news