بعد حديثه عن البيض الأورجانيك.. عمرو أديب يرد على سخرية السوشيال ميديا

رد الإعلامي عمرو أديب على سخرية رواد مواقع التواصل الاجتماعي من تصريحاته بشأن البيض الأورجانك، مؤكدًا أنه وجه نصائح كثيرة لمواجهة ارتفاع الأسعار ولكن البعض يجتزأ حديثه من أجل السخرية.
اقرأ أيضًا.. فيديو.. عمرو أديب: خطوة واحدة يمكن للدولة اتخاذها لمواجهة غلاء الأسعار
وقال أديب خلال تدوينة عبر صفحته على "تويتر" اليوم الثلاثاء: "فى نفس الحلقه ونفس الموضوع اتكلمت عن ازاي الناس تشتري الارخص وتختار المحلات اللي بتبيع الاساسيات الثابته من غير زياده واتكلمت عن دور الدوله فى ضرب الاحتكارات وما كان موضوع البيض الاورجانيك الا انتقاد للناس اللي محبكاها قوي وتشتكى من اشياء تافهه".
وتابع: "ثوانى والجزيره مصر سابت ساعه كلام واشتغلت عالبيض والبسطرمه اجتزاء وترصد كالعاده اتعودت عليه".، مضيفًا: "المهم الفيديوهات موجوده وياريت الناس تبطل ثقافه الهاشتاج وفى النهايه الرساله واحده الايام الايام اللى جايه صعبة".
وأوضح: "اتكلمت عن قزازه الزيت بكام وعلبه اللبن حالها ايه والجبنه المثلثات نعمل معاها ايه والسمنه نتصرف معاها ازاي انما ثقافه التفاهه والترصد المستمر وطبعا انا خبير وقديم ومش مصدق انى بكتب بحكى والفيديوهات موجوده ولكن هذا عملى وهذا وطنى وهذا قدري".
عمرو أديب بعد ارتفاع الأسعار: مش وقت بيض أورجانيك
وكان عمرو أديب قد قال خلال برنامجه "الحكاية" في حلقة أمس: "ده مش وقت بيض أورجانيك، ماله البيض العادي، كله بالبسطرمة بيبقى حلو مش لازم تشتري المنتج الغالي ما دام الأرخص منه نفس الجودة".
وأكد أن هناك خطوة وحيدة يمكن أن تتخذها الدولة من أجل خفض الأسعار التي ارتفعت بشكل كبير خلال الفترة الماضية، وهي محاربة الاحتكار، مضيفًا "الغلاء اللي ماشي دلوقت مش بتاع الحرب؛ غلاء الحرب لسة جاي".
وأضاف: "قبل ما أقول للدولة خفضي وأعملي تسهيلات؛ هل علبة اللبن اللي زادت النهاردة بعد ما الحرب تخلص هتنزل تاني؟ كيلو المكرونة السايبة زاد 3 جنيه هل هتنزل تاني؟".
وتابع: "العيش السياحي زاد ربع جنيه لو مش هينزل تاني أقول للدولة قللي أو اعملي واحنا عارفين في مصر أن اللي بيطلع مش بينزل".