شاهد.. نصيحة أسماء مصطفى للمرضى قبل وفاتها

وجهت الإعلامية أسماء مصطفى، قبل وفاتها نصيحة للمرضى، مطالبة إياهم بالتوجه إلى الأطباء فور ملاحظة تغير في أجسامهم أو الشكوى من أي تعب أو وجع وعدم الاعتماد على المسكنات دون استشارة الأطباء .
اقرأ ايضا : فيديو.. بكاء مذيعا برنامج هذا الصباح بعد وفاة زميلتهما أسماء مصطفى
وقالت "مصطفى" خلال منشور لها عبر صفحتها الرسمية بموقع التواصل "فيس بوك" :"أنا بكتب الكلام ده علشان عارفة ان فى ناس كتير بحبهم واتمنى نصيحتى توصل للكل بالمناسبة أنا كنت زى الشاب ده الله يرحمه مبشتكيش كتير كنت طول الوقت باجى على نفسى ابتلاءات في حياتى خلتني آخر حاجة أفكر فيها ادخل مستشفى أو أعمل أي فحص كنت بتعامل مع المسكنات زى البنبون والمسليات اتعب اخد مسكن واكمل مكنتش احب احسس
الى حواليه بتعبى واخدها طول وعرض لحد ما اكتشفت ان السرطان بياكل فى معدتي وحتى بعدها كنت بدور على علاج ميخليش اعراض تظهر عليه علشان اخبى على عيلتى واكمل شغلى وموجعش قلب حد لحد ما المرض غلبني".
أسماء مصطفى : بلاش مسكنات
وتابعت :" نصيحة لوجه الله لم تتعبوا قولوا روحوا اكشفوا واطمنوا على نفسكم بلاش العادة السيئة أي دوا من الصيدلية ومسكنات ونكمل أرجوكم بلاش صبرى على الالم وانى كنت باخد على حاجة على نفسى واعصابى خلانى مروحتش اكشف غير لما لاقيت نفسى فعليا بقع ولو كان المسكن يومها جاب نتيجة اكيد مكنتش هروح المستشفى من رحمة
ربنا ان الالم كان اكبر من احتمالى ودلوقتى بتمنى يوم واحد بس بدون الم".
واختتمت مصطفى :" طولت عليكم ارجوكم خلوا بالكم من صحتكم".
وفاة الإعلامية أسماء مصطفى
وتوفيت قبل قليل الإعلامية أسماء مصطفى، بعد صراعها مع مرض السرطان.
ونشر أيمن أبو العلا، عضو مجلس النواب، منشورًا له عبر صفحته بموقع التواصل الاجتماعي، أعلن
فيه وفاة زوجته الإعلامية أسماء مصطفى، بعد صراعها مع المرض.
وكتب أبوالعلا، "انكسر ظهرى وفطر قلبي ولن اقول الا ما يرضي الله.. "إنا لله وإنا إليه راجعون".
وكانت أسماء أبوالعلا قالت في منشور لها: "المرض الملعون ده دمرنى، لكن هو شايفنى أحلى ست فى الدنيا، ولقيته ضهرى وسندى فى دنيتى، ربنا يحميه ويحفظه ويكفيه شر الحاسدين ويبارك فى أولادنا ويحفظهم ونقدر نعدى المحنة ونخرج بمنحة يا رب صبرنا على ابتلاءنا".
مواضيع ذات صلة :
وفاة الإعلامية أسماء مصطفى بعد صراعها مع السرطان
اليوم العالمى لمرض السرطان.. أخطر أنواعه وأعراضه وطرق الوقاية
المُذيعة أسماء مصطفى تعلن عن إجراء عملية جراحية للتخلص من ورم خبيث