وجه المخرج محمود كامل رسالة لجمهور مسلسل "شقة 6"، وذلك عبر صفحته الشخصية على موقع التواصل الإجتماعي الشهير "فيسبوك". اقرأ أيضًا.. (شاهد) مخرج "شقة 6" يوجه رد ناري لمؤلف العمل وكتب "كامل" عبر صفحته قائلًا : "صباح الخير.. أولا بحمد ربنا حمدا كبيرا على النجاح الكبير اللي حققه مسلسل شقة 6.. وممتن من قلبي لكل كلمة حلوة اتكتبت عنه، ثانيا عاوز اوضح حاجة مهمة.. لما بشوف ورق أو أقرا حاجة وأحس انه ممكن اشتغلها.. بالنسبة لي بتكون مشروعي.. بفكر فيه بكل كياني.. وبشوف احسن طريقة ممكنة اطور بيها الفكرة ممكن مانمش بالأيام علشان اشتغل على الفكرة بشكل يرضيني". وتابع : "ثالثا: هدفي أن الناس تفكر وتشغل دماغها وتتسائل ويكون في جدال ومناقشات زي ما كان موجود طول حلقات مسلسل شقة 6 وكانت الناس جوا الموضوع في حاله استنتاجات.. وان عايز الناس تفكر.. فأي نجاح الفضل بعد ربنا هو لكل إنسان اشتغل معايا بمنتهى الضمير". وأضاف : "رابعا :المفاجأة أنه فيه جزء تاني ان شاء الله، خامسا : ممكن إنسان يعمل فكره و النتيجه اللي مكتوبه وحشه جدا.. فنضطر نستعين بناس عشان تكتب فعلا وتعمل حاجه احسن بكتير وده حصل وبيحصل.. وانا بحفظ حق الناس كويس اوي لان بحب وبخاف ربنا وضميري اهم حاجه عندي وكل اللي انتوا شوفتوه وحبيتوه حاجة اتكتبت من الاول وجديد مش هي نفس الفكرة اللي اتقدمت". وأختتم حديثه قائلًا : "حبيت أوضح بس وياريت كل الناس تخلص في شغلها لانه لا يضيع الله اجر من احسن عملا.. ويومكم حلو ان شاء الله من أصلح مابينه وبين الله أصلح الله ما بينه وبين الناس.. من أصلح سريرته أصلح الله علانيته.. من اهتم بأمر آخرته كفاه الله أمر دنياه وآخرته". قصة "شقة 6" يشار إلى أن تدور أحداث المسلسل في إطار رعب، حيث يفاجئ سكان العقار بحدوث أشياء غريبة بشقة 6. فريق عمل "شقة 6" مسلسل «شقة 6» من بطولة روبي، وأحمد حاتم، وصلاح عبد الله، ومحمود البزاوي، ورحاب الجمل، وهاني عادل، والفنانة السعودية هيا فياض، وحمزة العيلي، وملك قورة، وآخرين، والعمل من سيناريو وحوار رفيق القاضي، وسعاد القاضي، ومحمود وحيد، ونبيل شعيب، وإخراج محمود كامل. لمزيد من الآخبار الفنية تابع alwafd.news