حرص الفنان وائل عبدالعزيز، شقيق الفنانة ياسمين عبدالعزيز على طمأنة جمهورها ومحبوها عن حالتها الصحية، وذلك عبر صفحته الشخصية على موقع التواصل الاجتماعي الشهير "فيسبوك". اقرأ أيضًا.. ياسمين عبدالعزيز.. نجوم الفن يطالبون بالدعاء لها بعد عملية جراحية خطيرة وكتب شقيق ياسمين عبد العزيز عبر صفحته قائلًا : "أنا تليفوني اتكسر وفعلا ومش معايا أي أرقام متسجله.. وإن شاء الله بعد ما ارجع تليفوني هكلم الكل.. وبعد إذن الناس الأفاضل التليفون بيفصل من كتر الاتصال.. اطمنوا خير إن شاء الله". أحمد العوضي يعلن إجراء زوجته عملية جراحية وكان أعلن الفنان أحمد العوضي، رسالة مؤثرة لزوجته الفنانة ياسمين عبدالعزيز، وذلك عبر حسابه على موقع التواصل الإجتماعي الشهير "فيسبوك" قائلًا: "يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا، أنا ضعيف جدًا من غيرك أنتي لازم تبقي كويسة ولازم تقومي بالسلامة، أنا لأول مرة اكتب من غير ما أكون مفكر أنا بكتب إيه وهكتب إيه، بس انتي هتقومي إن شاء الله بإذن الله عشان انتي وعداني وعد وهتتفذيه". وأضاف: "أنا عاوزك تبقي كويسة وتقومي عشان أقولك أني لو كنت ببينلك أني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا". وتابع : "لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك ". واختتم كلامه: "ادعوا لها تقوم بالسلامة زي ما أنتو دايما بتدعولها بالنجاح والتوفيق.. هي دلوقتي محتاجة دعواتكم".
