صلاح عبدالله يدعو للفنانة ياسمين عبد العزيز: "يارب ارزقها الشفاء التام"

وجه الفنان صلاح عبدالله، رسالة إلى الفنانة ياسمين عبدالعزيز، بعد أن كشف زوجها الفنان احمد العوضي عن خضوعها لعملية جراحية، عبر حسابه الشخصي على موقع التواصل الاجتماعي" فيسبوك".
رسالة صلاح عبدالله لياسمين عبد العزيز
وكتب صلاح عبدالله، عبر حسابه الشخصي بموقع التدوينات "تويتر": "في كل الظروف الصحية الصعبة اللي مريت بيها من 2010م كانت دايماً جنبي. أرجوكم في هذا الفجر الطيب المبارك تدعوا من قلوبكم لبنتي الغالية الجدعة الأصيلة المخلصة الطيبة ياسمين عبدالعزيز، يارب أرزقها الشفاء التام والعاجل يارب".
اقرأ أيضا غير مستقرة.. تطورات الحالة الصحية للفنانة ياسمين عبد العزيز.. مصدر: "في العناية المركزة" (خاص)
رسالة احمد العوضي لياسمين عبد العزيز
وكان الفنان أحمد العوضي كتب منشور لزوجته ياسمين عبد العزيز عبر حسابه بموقع التواصل الإجتماعي فيسبوك: "يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الارض عشان أنا روحي مش معايا أنا ضعيف جدا من غيرك أنتي لازم تبقي كويسة ولازم تقومي بالسلامة، أنا لأول مره اكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان أنتي وعداني وعد وهتتفذيه".
وتابع: "أنا عاوزك تبقي كويسة وتقومي عشان اقولك أني لو كنت ببينلك أني بحبك مرة في الحقيقي، واللي جوايا إني بحبك الف مرة ، وانا دلوقتي مش قوي زي ما أنتي بتشوفيني أنا دلوقتي ضعيف ضعيف جدا، لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك، قومي عشان أنا بحبك، بحبك أكتر بكتيير من كل الكلام اللي أنا كتبته".
وأضاف أحمد العوضي قائلا: "أكتر بكتير من كل اللي عدينا بيه مع بعض من أيام حلوة، ومواقف صعبة مرت علينا أكتر بكتير حتي من الموقف اللي إحنا فيه دلوقتي، أنا بحبك.. ادعولها تقوم بالسلامه زي ما أنتوا دايما بتدعولها بالنجاح والتوفيق.. هي دلوقتي محتاجه دعواتكم".