تصدر اسم الفنانة ياسمين عبد العزيز مؤشر موقع البحث العالمي جوجل وتريند مختلف مواقع التواصل الإجتماعي ليومين متتالين بعد أن طلب زوجها الفنان أحمد العوضى الدعاء لها لخضوعها لعملية جراحية . اقرأ أيضًا.. شاهد.. صورة نادرة ل ياسمين عبد العزيز في شبابها ونشر أحمد العوضي منشورًا عبر صفحته الرسمية على موقع التواصل الإجتماعي فيسبوك قائلًا :" كتب عبر حسابه الشخصي بموقع الفيس بوك، قائلا: " الرجاء الدعاء بظهر الغيب لزوجتي وحييبتي ياسمين ... هي في العمليات ومحتاجه دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفيها وعافيها". وتابع : " يمكن ببان قدامكم دايما قوي .. لكن الحقيقه أنا دلوقتي أضعف إنسان على وجه الأرض عشان أنا روحي مش معايا ... أنا ضعيف جدًا من غيرك أنتي لازم تبقي كويسة ولازم تقومي بالسلامة". وأضاف" أنا لأول مرة اكتب من غير ما أكون مفكر أنا بكتب ايه وهكتب ايه، بس أنتي هتقومي إن شاء الله باذن الله عشان أنتي وعداني وعد وهتتفذيه، انا عاوزك تبقي كويسه وتقومي عشان اقولك اني لو كنت ببينلك إني بحبك مرة فالحقيقي واللي جوايا إني بحبك ألف مرة". وأشار العوضي:" وأنا دلوقتي مش قوي زي ما أنتي بتشوفيني أنا دلوقتي ضعيف ضعيف جدا، لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك، قومي عشان أنا بحبك". متابعًا:" بحبك أكتر بكتيير من كل الكلام اللي أنا كتبته .. أكتر بكتير من كل اللي عدينا بيه مع بعض من أيام حلوة ومواقف صعبه مرت علينا، أكتر بكتير حتى من الموقف اللي احنا فيه دلوقتي، أنا بحبك ادعولها تقوم بالسلامة زي ما أنتو دايما بتدعولها بالنجاح والتوفيق .. هي دلوقتي محتاجة دعواتكم". لتتوالى بعدها منشورات تحمل هاشتاج اسمها من مختلف الأشخاض من جمهورها وأصدقائها وعائلتها حيث صرح أخيها " وائل عبد العزيز" موضحا حالة شقيقته ياسمين عبدالعزيز، قائلا: ""صباح الخير.. أنا كل اللى هقدر أقوله دلوقتي ادعوا لياسمين حالتها خطرة". وبعد ساعات من منشوره كشف الفنان الشاب تامر مجدي، من خلال حسابه الرسمي علي موقع الفيس بوك عن تطورات الحالة الصحية للفنانة ياسمين عبدالعزيز ، وكتب : "ياسمين دخلت في غيبوبه تامه بقالها 14 ساعة بسبب خطأ طبي أثناء إجرأها عمليه ..ارجوكم ارجوكم ادعولها ...الدعاء بيغير الأقدار ..ألطف بيها يارب". وتدوالت المنشورات والاخبار حول نوعية العملية التي تجريها ياسمين عبد العزيز إذ قيل أنها تجري عملية استئصال ورم لمفاوي في الرحم، ودخلت غيبوبة بسبب خطأ طبي ، وقيل أيضًا أنها أجرت عملية استئصال للأمعاء واستلزمت الحالة الحصول على أكياس من الدم والبلازما قبل نقلها لغرفة الرعاية المركزة بأحد المستشفيات الخاصة في المعادي". وحتى الآن لم يصرح مصدر مقرب بالحالة الحقيقة للفنانة إذ قال زوجها العوضي عبر صفحته الرسمية على موقع التواصل الإجتماعي فيس بوك: " يا جماعه بعد اذنكم .. اي تصريح عن الحاله عن طريقي فقط ... وانا مقلتش اي تصريح عن حالة ياسمين غير اني طلبت منكم دعواتكم .. وتمنياتكم لها بالشفاء العاجل.. هي في الرعايه دلوقتي ومحتاجه دعواتكم .. دي كفايه انها تهون علي".
