وجهت الفنانة حلا شيحة، رسالة حب لوالدها عن ما قالته أمس، وذلك عبر حسابها الرسمي على موقع التواصل الاجتماعي الشهير "فيسبوك". اقرأ أيضًا.. حلا شيحة بعد تصريحات والدها: مصدومة وزوجي مش بتاع ستات وكتبت "حلا" عبر حسابها قائلة : "حبيبي والدي الغالي أعز الناس بحبك ومحدش هيقدر يخلف بنا أبدًا وأنا متفهمة حبك وخوفك عليا وأنت أغلى الناس". رد حلا شيحة على تصريحات والدها وكانت ردت أمس الفنانة حلا شيحة على تصريحات والدها، قائلة : "الحقيقة مصدومة من الكلام اللي والدي قاله عن زوجي اللي اتجوزته بكامل إرادتي والحمد لله لقيت معاه كل المعاني الجميلة من احترام ورجولة وشهامة نادرة الأيام دي". وأضافت "حلا": "وأنا لم يخطفني أحد كما قال والدي والكلام ده لا يصح أبدا، وأنا بحب زوجي وسعيدة بحبه ليا وبنحترم بعض ومعز بيحترم رأيي وبيقدر مشاعري وبالعكس هو دائما بيهدّيني، وطبعا بيساندني ويشجعني لأني زوجته وحبيبته، وهو أكبر بكتير من كل الكلام اللي بيتقال عليه وافتراءات مش صحيحة وهو أبعد ما يكون عنها". وتابعت: "لن أسمح لأحد الكلام عنه ولن أسمح بأي تصور خاطئ عنه بأي شكل من الأشكال، معز طول عمره له رؤيته الواضحة في الدين وحتي في الفن وهو ليس مع أية جماعة أو فئة معينة هو يمثل نفسه وله أفكاره وأرائه العلمية والدينية المختلفة الجميلة وليس لاحد ان يصنفه أو يضعه في أي قالب فقط لأن هواه لا يوافق ما يمثله معز". واستكملت، هو في أيه في بلدنا الأيام دي بنحارب ونصارع في بعض وعايشين في قصص وهمية من نسج خيالنا عن بعض، هو خلاص أي حد يتكلم بلغة الدين لازم يبقي متطرف أو إخواني هو مبقاش في مسلمين وسطيين طبيعين هو ليه كل أنواع الهجوم ده على أي حد". وقالت، أنا زعلانة من والدي جدا؛ لأنه يعرف معز كويس جدا وقعدوا مع بعض كتير ووالدي يحبه جدا وشاف منه كل خير، معز زيي اتجوز 14 سنة من عمره وكان مستقر في حياته وعنده ثلاث أولاد ربنا يخليهمله جمال ماشاء الله وعمره ما كان بتاع ستات زي ما بيتقال كلام لا يليق أبدا وفي الآخر زيي لم يكمل جوازه وحدث الطلاق وكلنا معرضين لده طبيعي أنه كان بيحاول زي أي راجل محترم أنه يلاقي استقرار في حياته في الحلال ومتوفقش أكتر من مرة ودي مش حاجة تعيب أي حد". وأكدت "حلا": "الحمد لله اتقابلنا وتلاقينا؛ لأن ظروفنا قريبة جدا وعندي أولاد مثله وأولادنا شبه بعض الحمد لله واستقرينا إحنا الاتنين ليه ده يزعل الناس بدل ما ندعي لبعض بالخير بقينا نتصيد لبعض، ونخوض في أعراض بعض هو حصل في مجتمعنا ده إحنا جرالنا أيه". وأضافت، في الآخر بوجه كلمة لوالدي الحبيب ألا يصح أبدا كلامك مع كامل احترامي لك وللجميع، أنا الحمد لله سعيدة في حياتي ومع زوج اتشرف أنه زوجي وبعتز بيه وأحنا أصدقاء قبل أن نكون أزواج، وكل كلمة اكتبها وقلتها نابعة مني وأنا متدينة بطبعي زي أي ست مصرية بتحب دينها وده لا يعيبني. واستطردت، وتديني اللي بدأ من اكتر من 15 سنة من المنطقي أن معز مش هو سببه، مش محتاجة حد يخطفني أو يكتب عني أو يوجهني، هذا كلام لا يليق، دعو الخلق للخالق وكل واحد يخليه في حاله، وياريت نسمع من بعض بدل ما نسمع عن بعض، أحسنوا الظن".