ناوي تنزل يوم 18 علشان يوم 25؟! (شارك)

تزايدت دعوات الحشد وحملات الاستعداد ليوم 25 يناير المقبل بهدف إنقاذ الثورة، والتي كان من أبرزها حملة "حقك هيرجع بأيدك" على موقع التواصل الاجتماعي "الفيس بوك"..
حيث كتب فيها: "نفسك تشارك في اللي بيحصل في البلد، خايف تنزل وتبقي لوحدك، شارك متخافش كلنا هنبقي معاك هناك، عشان كلنا مؤمنين بثورتنا اللي اتسرقت ونازلين عشان نرجعها تاني، شارك برأيك وبكل حاجة جواك، هنتفق على كل حاجة هنعملها يوم 25 يناير، احشد جمع الناس اللي تعرفهم وخليهم يكونوا معانا، انزل يوم 18 يناير وقابلنا واتعرف علينا عشان متبقاش لوحدك كلنا هنبقي هناك".
"ادعمنا برأيك هات يفط وأقلام عشان نكتب عليها اللي احنا عاوزينه.. مش هتقدر تنزل هيمنعوك، ومش قادر تقنعهم إحنا هنخليك تشارك بطريقة تانية، اكتب اللي تقدر عليه قولنا رأيك ايه اكتب يفط وعلقها ع البلكونة علقها ع باب البيت، اكتب لنا يفط وقولنا نيجي ناخدهم منك وهنجيلك لحد البيت وكده تبقي شاركتنا وإحنا في قلب الميدان".
نازلين عشان حقوق بلدنا وحقوقنا..
انزل .. شارك .. احشد .. ادعمنا..
دي بلدك .. زي ماهي بلدنا كلنا..
...
فهل تنوي النزول والمشاركة بأي شكل؟