سالي عبد السلام تشعل محركات البحث بكشفها إلغاء زفافها (كان المقرر إقامته الشهر الجاري)

بالدموع والثناء على الله..

سالي عبدالسلام، إعلامية مصرية شابة تصدرت مؤشرات البحث جوجل في مصر، عقب كشفها عن قصة إلغاء زفافها الذي كان من المفترض إقامته خلال الشهر الجاري، وذلك على الهواء مباشرتًا خلال برنامجها "قصة حقيقة".
إقرأ أيضًا: وفاة حورية فرغلي تفزع جمهورها| ونقابة المهن التمثيلية تكشف الحقيقة
وقالت سالي عبدالسلام :"زمان عدت عليا جملة مكنتش فهماها أوي.. بتقلك إن لما حد يحكيلك همه كأنه ادالك حتة من جسمه بس بعد ما اشتغلت في برنامج قصة حقيقية، بقى عندنا قصص كتير حقيقية عرفت أكثر معنى الجملة دي".
بكاء سالي عبد السلام على الهواء
وعبرت عن امتنانها للجمهور ولفريق عمل برنامجها لمساندتهم لها وجبر خاطرها خلل محنتها قائلة:"احنا عملنا البرنامج ده لنجبر بخاطركم، لكن لم أكن أعرف أو أتخيل أن رسائلكم وتعليقاتكم هي الي حتجبر بخاطري، وخاطر كل فريق العمل لأننا كلنا شبه بعض.. على نياتكم ترزقون وربنا رزقنا كتير اوي .. اللهم لك الحمد شكرا لكم
أنكم موجودين وقصصكم هي برنامجنا".
وبنبرة مليئة بالشجن سردت سالي معاناتها الفترة الماضية قائلة:" يمكن ناس كتير متعرفش أنا جيت في معظم الحلقات الي احنا صورناها أنا كنت باجي معيطة، ومش مكسوفة أن أقول إني كنت معيطة.. أهلي دائما بيستنوا مني ان ابقى قوية ويقولولي عادي ومهيمكيش وكبري وايه اللي حصل.. لكن اللي حصل أن المرة دي منيت نفسي أوي".
وتابعت:"أنا مش هقول إن اختياراتي غلط أنا ما بختارش انا ممكن ألاقيني داخلة في قصة، وانا مخترتش.. بختار أنه يبقى شخص مناسب زي ما المجتمع بيقول يبقى شخص ينفع.. بختار السكينة والمودة والرحمة.. مش زي ما الناس أغلبيتها بيقولوا دي بتتنك دي مش عاجبها العجب.. بسمعها كتير".
وتابعت: "كنت الشهر ده بالذات كنت باجي دايما معيطة .. علشان كنت منية
نفسي اني هكتب كتابي وكنت هتجوز بس الموضوع ما مشيش يعني لأن أغلبية اللي بنعرفهم مبقوش قد المسئولية، ومبقوش رجالة، مبقوش يستاهلوا".
سالي عبد السلام تعبر عن ثنائها لله عز وجل لخروجها من محنتها
وأكدت الإعلامية سالي عبد السلام، أنها تشعر بحالة من الرضا على الرغم من العثرات التي كانت في طريقها، إلا أن عملها وشاشة التلفاز المغرمة به كانوا سبب في تخطي تلك الفترة التي تركت أثر بداخلها، قائلة:" شكرا يا الله أنك ساعدتني وجبرت بخاطري ورزقتي بالكثير من النعم وتحقيق الأحلام التي كنت اتمناها من شغلي في ماسبيرو لنجاحي .. شكرا يا الله إنك معايا.. الدنيا كلها اختبارات.. ياريت كل وقت انت بتحس بضيق ساعد حد في نفس أزمتك أنا كنت دايما في الوقت ده اي حد يكلمني ببكي فياريت وقتها تساعدوا حد حاسس بالحزن".
وخانتها دموعها على الهواء وبكت قائلة:"أنا هكمل حياتي وهكون سعيدة محدش يستاهل غير اللي بيحبنا بجد أهلي وأصحابي وكل اللي واقفين معايا وقلبه عليما بجد.. النهارده هنام مبسوطة علشان هحس اني جبرت بخاطر ناس حتى لو قليلين انا وفريق العمل دي دموع فرح أكيد وهستناكوا في قصص حقيقة تانية انتوا أبطالها".