تامر أمين ساخرًا من رمضان صبحي: كنت قول إنك رايح بيراميدز عشان تنقذه من الهبوط (فيديو)

وجه الإعلامي تامر أمين رسالة ل اللاعب رمضان صبحي، نجم نادي بيراميدز الحالي والأهلي السابق، قائلًا: "متزعلش مني كنت انتقدتك في السابق عشان تركت الأهلي لكنت مكنتش فاهم".
شاهد.. تامر أمين يسخر من شريف إكرامي: "إيه يا برنس دا"
وأضاف خلال تقديم برنامجه "آخر النهار" المذاع على قناة "النهار" مساء الأربعاء، بنبرة ساخرة: "مش كنت تقول يا أبو
رمضان إنك عايز تنقذ بيراميدز من صراع الهبوط للدرجة الثانية"، مردفًا: "أنا كان فكري لما قلت في المؤتمر الصحفي بعد مغادرتك الأهلي عن بحثك عن الطموح إنك عايز تحقق ألقاب وبطولات".
وأكمل: "بيراميدز موقفه سيء في الدوري لدرجة إن لو استمر على الأداء ده هينزل درجة
ثانية"، مواصلا: "القصة مش تجميعة لاعبين ومنح فلوس.. رمضان صعبان عليا لأنه موهبة كبيرة فكان صعبان عليا إنه مبيحكمش عقله".
وتابع: "اللي يمشي من الأهلي بيكون له مبرر زي مبيلعبش أساسي إنما رمضان كان أساسي وبيلعب في نادي كبير"، مردفًا: "أقوم أسيب نادي الأهلي وأروح نادي متجمع من كل بستان زهرة ومن كل رجل قبيلة وعامل كوكتيل ليس متناغم".
واستطرد: "رمضان شايل قربه بتخر فوق دماغه في بيراميدز ومفيش طموح نهائي وهيخرج بدون بطولات".