إيمان سلامة: أنا مش هعمل دور سعاد حسنى فى أي عمل أبدًا

أعربت النجمة الشابه إيمان سلامة ، عن سعادتها برأي البعض الذي يشبهها بالفنانة الراحلة سعاد حسني، لافتة إلى أنها لن تجسد قصة حياة السندريلا في أي عمل درامي فهي حالة لن تتكرر وتقليد شخصيتها مسؤولية كبيرة على أي ممثل.
اقرأ ايضاً: إيمان سلامة.. سندريلا الجيل الجديد التى خطفت قلوب الجمهور فى الأب الروحى
وكتبت إيمان سلامة عبر حسابها الرسمي على موقع التواصل الإجتماعي " فيسبوك- Facebook" قائلة : "أنا ممثلة وطبيعي أي ممثلة أو ممثل
لما يكون عنده حاجه بتميزه بيشتغل عليها وبيعرضها للناس من باب إنها امكانيات تمثيلية وإنه يقدر يتلون ويعمل أكتر من حاجة وده اللى أنا عملته بصور الشبه بسعاد حسنى وأى ممثلة مكاني مع تشجيع الناس هتعمل زى ما أنا عملت وطبيعى، زى ما كمان أثبت بشغلى وكنت قاصده أكون بعيده تمامًا عن الشبه ده لما عملت دور ليلى فى
الأب الروحى أو شهد فى البيت الكبير أو روز فى سلسال الدم وغيرهم أعتقد إنى مكنتش بعتمد على شكلى او شبه نهائي".
وتابعت : "أنا مش هعمل دور سعاد حسنى فى أي عمل أبدًا.. والتشبيه بسعاد حسنى هو بالنسبالى كان بمثابه إثبات امكانيات ممثلة واجتهاد منى والاجتهاد والتنوع شيء مشروع وحبى ليها حقى زى ما هو حق لكل اللى بيحبوها من فنانين وجمهور.. سعاد حسنى حالة لن تتكرر ومفيش ممثلة مصرية مبتتعلمش من أدائها و موهبتها الكبيرة.. وأى اسم يتذكر جنبها شرف ومسؤولية لأي ممثل.. أتمنى أكون رديت بشكل واضح للكل.. و شكرًا".