بعد إصدار حكم بحبس سارة الطباخ.. محمد الشرنوبي: القانون قال كلمته

علق المطرب الشاب محمد الشرنوبي بعد صدور حكم بحبس المنتجة سارة الطباخ عامين لاتهامها بتبديد أمانته، وذلك عبر حسابه الرسمي على موقع تبادل الصور والفيديوهات الشهير "إنستجرام".
اقرأ .. حبس سارة الطباخ سنتين بسبب خيانة الأمانة
ونشر "الشرنوبي" نص الحكم، معلقاً: " تم صدور حكم فى الجنحة رقم 1626 لسنة 2020 جنح الشيخ زايد بحبس الممثله القانونية لشركة إدارة أعمالي السابقة سنتين لتبديد المبالغ المالية التي في زمتها بموجب التوكيل الرسمي وخيانة الامانة".
وقال، أظن الصورة وضحت، أنا
كنت ساكت ومكانش نفسي الأمور توصل لكده وكنت مقرر إني مش هتكلم تاني في الإعلام بس لقيت إصرار من الطرف الآخر أنه يقحم الإعلام و يشوه صورتي قدام الناس، بس لو في حد واخد حق حد فالقانون والمحكمة قالت كلمتها".
وأضاف: الشركة كان صادر لها توكيل بموجب العقد اللي بيننا لإدارة أعمالي وبالتالي كانت بتتعاقد وتستلم كل مستحقاتي اللي هو الطبيعي إنها
تستلم وتاخد نسبتها وتوردلي الباقي وده مكانش بيحصل، الممثلة القانونية للشركة خانت الأمانة وبددت كل أموالي اللي في ذمتها وآخر صلح سلمت الشركة توكيل على أساس إننا هنفتح صفحة جديدة وتعهدت أنها هتسددلي كل فلوسي اللي في ذمتها و ده مثبت في محضر الصلح في غرفة صناعة السينما، وبالفعل نفذت المسلسل وبرضه مخدتش فلوسي.
واختتم، لكل شركات الإنتاج برجاء عدم التعامل مع أي جهه أو شخص غير من خلالي شخصيا وعدم الالتفات لأي تحذير أو إنذارات تصدر من الشركة لأن ببساطة الهدف الوحيد هو تعطيل شغلي وتشويه صورتي والحصول على مبالغ مادية بدون وجه حق.