فيديو.. محود العسيلي: مطربي المهرجانات بيعكسوا ثقافتنا ونجحوا أكتر مننا

رفض الفنان محمود العسيلي، أي محاولة لمنع أو وقف مطربي المهرجانات، خاصة وأنهم خلقوا لون جديد من الفن لمصر، قائلًا: "أنا ضد منع أو وقف أو حجر وهما خلقوا لون لمصر، والكلمات اللي بيقولوها جاية من المجتمع، وأنا ضد الحجر على أي حد عشان الحاجة اللي بيقدمها وما دام الناس
بتحبهم وبتسمعهم يبقوا ناجحين".
وأكد الفنان محمود العسيلى، في لقاء ببرنامج "شيخ الحارة والجريئة" مع المخرجة إيناس الدغيدي على قناة القاهرة والناس، أن مطربي المهرجانات حققوا أرقام نجاح أضعاف ما يقدمونه هم من الطرب العادي، مضيفًا: "بتوع المهرجانات حققوا أضعاف اللى
احنا بنحققه وهما بيمثلوا حاجة مهمة ومينفعش نتجاهلها و90 % من الشعب المصري بيسمعهم وأرقامهم أضعاف أضعافنا".
وتابع: "مطربي المهرجانات بقوا موضة ومعظمهم بيبقى تقليعة ولكن فى ناس بتعمل حاجات كويسة زي أوكا وأورتيجة والمدفعجية وحسن شاكوش"، مؤكًدا أن الكثير منهم موهبين وبيمثلوا جزء مهم من ثقافة بلدنا اللي موجودة الآن، وأوضح أن البعض منهم قوي للغاية وسيستمر والباقي موضة وستختفي، مختتما "الجامد هيفضل مكانه".
شاهد الفيديو..