التشابه بين حسني شتا ومحمود ياسين يثير الجدل على مواقع التواصل

أصبح الفنان الشاب حسني شتا، ضمن الأكثر بحثًا على موقع "جوجل" من بين مستخدميه في مصر وذلك بسبب دوره في مسلسل ليالينا 80، والذي يذاع خلال شهر رمضان.
وعلى موقع تويتر وقد شبه الكثيرون شتا بالفنان الكبير محمود ياسين، إلا أن نجلته الفنان رانيا محمود ياسين وقد حذرت من ذلك الأمر، حيث قالت الترويج لمثل هذه الأخبار يضر بالمواهب الشابة، مثلما يحدث مع أبناء الفنانين أنفسهم، وطالبت كل نجم بالاعتماد على موهبته فقط وعدم النظر لوجود تشابه بينه وبين نجم من الزمن الجميل للفن.
بدوره رد عليها شتا في رسالة مطولة كانت فحواها أنه لا يقلد الفنان محمود ياسين، حيث قال " مش عارف فعلا هي بتحذرني ليه ومن إيه!!! ولو علي التحذير يبقي يتم توجيهه للجمهور اللي قال كده مش أنا..ثانيا احترامي وتبجيلي للفنان الكبير محمود ياسين بتاريخه الفني الكبير مفيش أي مقارنة لأن الأساتذة الكبار أمثال محمود عبد العزيز واحمد ذكي وعادل امام ونور الشريف وغيرهم من نجومنا الكبار
لايمكن ان فيه ممثل أيًا كانت موهبته يقارن نفسه بيهم لأنهم صنعوا تاريخهم الفني بالفعل.. ثالثًا انا مبقلدش حد اللي شاف دوري في أيوب أو الاب الروحي أو أبو جبل أو طلقه حظ أو فيلم اشتباك او طلق صناعي أو غيرها من الأعمال هيلاحظ إني بحاول أن كل شخصية تكون مختلفة عن التانية في الملامح الداخلية والإطار النفسي والشكل والإطار المادي من ملابس وطبقه صوت وغيره ..في ايوب زي مابيقولوا كنت شبح وفي الاب الروحي هادي وانفعالاته داخلية ..ومش انا اللي يقول كده ديه الناس اللي بتقيم وتحب وهفضل اجرب في كل شخصيه بعملها لآخر عمري لأن ديه متعه التمثيل إني احاول اخلق شخصية من لحم ودم وكل مرة تكون مختلفة والتوفيق بالنجاح من عند ربنا ولو لما تصيب فعملت اللي عليًا إني مش بستسهل واعمل كل
الحاجات شبه بعضها.. صادف ان الدور في مسلسل ليالينا في حقبه زمنيه قديمة واللبس وغيرها من تفاصيل العصر تتماس مع طبيعة وشكل استاذنا محمود يس .وفيه شبه في الملامح خصوصا مع تسريحه الشعر والسوالف واللبس طب ايه المشكله بقي مش فاهم يا أستاذة رانيا ولكي مني كل التقدير".
وعلى تويتر كتب بوسي سعد قالت " احسن مسلسل السنه دي فعلا والله ليالينا 80 لانه من عقبه زمنية قديمه وفي اشخاص بترجع بينا بالزمن الجميل اللى فات زاي حسني شتا و اياد نصار وغاده عادل وكتير من الممثلين اللى بجد يستاهلوا اوسكار بجد شابوووو ليالينا 80".
الصحفية رحاب داغر قالت " بدلة ورقصة حسني شتا في حلقة مبارح كانوا برافكت حقيقي كان زابط الرقصة وعدتها فوق العشر مرات هالممثل دمه خفيف".
محمد قال " رنيا محمود ياسين بتحذر حسني شتا عشان ربنا خلقه شبه ابوها، وعي الممثلين".
هاجر حسني قالت " نكد من قديم الاذل .. والله احنا مظلومين يا بيه احنا مش نكديين خاالص,, حسنى شتا .. مبدع فى صمت".
حبيبة قالت " لما شوفت حسني شتا واتصورت معاه رجعت أحكي لقرايبي إنه قد إيه قمر…بس الصورة كانت مش واضحة...دلوقتي طول ما هم بيتفرجوا على ليالينا 80 بيقولوا لي إن معايا حق فعلًا".