شاهد.. أحمد سمير فرج للاعب الإسماعيلي :"أحنا آسفين ياعبدالرحمن"

حرص أحمد سمير فرج لاعب الإسماعيلي السابق على تقديم الإعتذار ل عبدالرحمن مجدي نجم الدراويش بسبب ما ورد من جماهير النادي خلال مباراة أمس أمام الأهلي الليبي في اللقاء الذي أنتهى بفوز أصحاب القلعة الصفراء بأربعة أهداف مقابل هدفين، بذهاب دور ال32 من البطولة العربية
ونشر فرج عبر حسابة الشخصي بموقع التواصل الإجتماعي "فيسبوك" قائلًا :" حقك علينا، ايه في الدنيا ممكن يخليه يتشتم بوالدته وهي قاعده في المدرج واخًوه يضرب ويتشتم وهو قاعد في المدرج
والواد عارف ان اهله في المدرج وهو بيتشتم ".
وأضاف فرج قائلًا :"مع اني مش شايف انه كان سيء يعني وحتي لو سيء انت انزل الملعب وخلي الناس تشتمك هتعمل ايه ومع ذلك جاب الجون وباس شعار النادي معملش حاجه وحشه الجمهور الحقيقي طبعا الكلام مش ليه انما لقله بسيطه الناس اللي هتقول اتخن لاعب اتشتم مقولناش حاجه نتشتم في كوره في لعبه
".
ووأختتم قائلًا:"فين زوق الناس اللي قاعدين جمب امه المفروض هما اللي يسكتوً الناس اللي بتشتم ياريت اول تدريب نهتف لعبدالرحمن اللي ممكن امه تكون تعبت ومنامتش امبارح احنا اسفين ياعبدالرحمن".
وكان شن هجوم الدراويش هجومًا قويًا على عبدالرحمن مجدي جناح الفريق وإبراهيم عثمان رئيس النادي بالأمس وتعرض اللاعب للكثير من الأهانه في ظل تواجد عائلته في مدرجات استاد الإسماعيلية.
ونجح عبدالرحمن مجدي في تسجيل هدف الدراويش الرابع بالأمس في الدقيقة ال88 من عمر المباراة، ومن المقرر أن يواجه الإسماعيلي نظيره الأهلي الليبي في مباراة الإياب بدور ال32 من البطولة العربية يوم 27 سبتمبر الجاري.
شاهد.. هدف عبدالرحمن مجدي ...