حملات لنقل أخلاق ميدان التحرير إلي كل مصر

وصف البعض ميدان التحرير بأنه صار أشبه ما‮ يكون بالمدينة الفاضلة أو‮ "‬يوتوبيا‮"‬،‮ وصار من كانوا في‮ قلب الأحداث‮ ينشدون أن‮ يصير المجتمع الذي‮ يعيشونه خارج الميدان هو ميدان تحرير آخر بقيمه وأخلاقياته التي‮ ضربت أروع الأمثلة في‮ تحضر الثوار في‮ علاقاتهم ومعاملاتهم مع من اجتمعوا معهم علي الهدف ذاته،‮ وشاركوهم في‮ ثورتهم ونادوا بمطالبهم المشروعة‮.‬
ومن أجل الحفاظ علي هذه الروح وحماية هذا النسق الأخلاقي‮ الذي‮ قلما كان‮ يشاهد خارج الميدان،‮ عمل مجموعة من الشباب ممن شارك في‮ الثورة علي تدشين أكثر من‮ "‬جروب‮" يدعو للحفاظ علي أخلاق الثورة وحمايتها من الضياع خارج الميدان‮.‬
من هذه‮ "‬الجروبات‮" المتعددة‮ "‬جروب‮" بعنوان حركة أخلاق شباب الثورة‮" حيث‮ يقول مدشنو الجروب تعبيرا عن الهدف منه‮: "‬احنا قررنا نعمل حاجة بسيطة ثورتنا كانت بجد ثورة ناجحة بكل المقاييس الثورية بس احنا هناخد جزء بسيط فيها واحنا شخصيا شايفينو،‮ أهم جزء وهو أخلاقنا‮.‬
وقال القائمون علي المجموعة ان أخلاق المصريين بجد اللي‮ ظهرت وكنا فاكرينها ماتت إحنا شوفناها في‮ ميدان التحرير‮ ( البنات من‮ غير تحرش‮.. شوفنا اللي‮ بيساعدك بدون مقابل‮.. شوفنا اللي‮ عايز‮ يعدي ويقولك‮: بعد إذنك‮ .. شوفنا للي بيقولك ممكن البطاقة ويقولك بعدها معلش احنا آسفين‮ .. كنا بننزل نحمي‮ بيوتنا وبيوت جيراننا‮ .. نظمنا مرور شوارعنا أحسن من الشرطة‮ .. نظفنا الميدان بعد ثورتنا‮ .. شفنا الناس الكبيرة واقفين معانا وبيشجعونا بعد ماكانوا فقدوا الأمل فينا‮ ) عشان كده لازم تكون دي‮ أخلاقنا علي طول عشان دي أخلاق المصريين بجد ودي‮ حركة تهدف لهدف أسمي بكتير من أي مكسب سياسي‮ أو اقتصادي فهي‮ بمثابة نبتة نزرعها في‮ نفوسنا لتغيير أوضاعنا الداخلية‮.. وقال تعالي‮: (‬إِنَّ‮ اللَّهَ‮ لا‮ يُغَيِّرُ‮ مَا بِقَوْمٍ‮ حَتَّي‮ يُغَيِّرُوا مَا بِأَنْفُسِهِمْ‮) صدق الله العظيم‮ .........‬والله موفقنا‮".‬
وهناك‮ "‬جروب‮" آخر بعنوان‮ "‬أخلاق ما بعد الثورة‮" ويقول مدشنوه‮: "‬من النهاردة مش هدفع رشوة،‮ مش هكسر إشارة،‮ مش همشي عكس الاتجاه،‮ هحترم الطريق والناس سواء ماشي علي رجلي او راكب عربية،‮ مش هرمي زبالة في الشارع،‮ مش هشغل اغاني بصوت مزعج للناس،‮ مش هشرب سجاير في أي مكان فيه ناس،‮ مش هتخانق مع حد ولا هشتم حد،‮ هكلم كل الناس باحترام صغير أو كبير مديري او موظف اقل مني في الوظيفة،‮ وأي حد هلاقيه بيغلط في شغله في أي مكان هشتكيه حتي لو كان هيعطلي مصلحتي،‮ وهقرأ الدستور الجديد وأفهمه وهروح انتخب عضو مجلس الشعب ورئيس الجمهورية،‮ "‬هبدأ بنفسي‮" عشان بلدي ومستقبل أولادي‮ يكون أفضل‮".‬
أما‮ "‬جروب‮" أخلاق الثورة فقال مؤسسوه ان مصر محتاجة أخلاق الميدان التي‮ تخلوامن السباب والشتائم،‮ وطالبوا الشباب‮ بعدة أشياء منها‮:‬
بلاش نرمي ورق في الشارع أو المواصلات‮.‬
مش هنتريق علي أي‮ حد
بلاش معاكسات للبنات‮.‬
مش هنشر إشاعات والكلام اللي‮ أقوله أكون واثق منه‮.‬
هفكر في‮ فكرة تفيد بلدي مصر أحاول أنفذها لو أقدر،‮ أو إني أوصلها لمسئول‮.‬
لو لقينا ناس بتعمل حاجة تتنافي مع أخلاقيات الثورة أنصحه بطريقة كويسة‮.‬