شاهد .. السيسي فى رده على آراء المواطنين عن حكمه: كلام صعب واستحملته

رد الرئيس عبد الفتاح السيسي، على آراء المواطنين حول فترة حكمه الأولى، والتى أذاعتها المخرجة ساندرا نشأت، خلال فيلمها التسجيلي "رئيس وشعب 2018"، قائلا: "أنا مش مكنتش عايز أسمع الكلام ده لانى عارفه، لكن فيه نقطة واحدة هتكلم عليها هي أن المواطن حاسس ان فيه رقيب على كلامه، هو يتكلم زي ما هو عايز".
واضاف "السيسي": "المشكلة مش في الكلام، لان المفروض انه مايكونش فيه مشكلة في الكلام، لكن المشكلة في اننا نفكر كويس اوي قبل ما نتكلم، علشان الكلمة اللى هنقولها هنصدقها بعد كدة، زي مثلا قولت مافيش أمل مافيش أمل هتعيش وانت مصدق ان مافيش أمل، وكمان اى حد يعتقد ان لو
حد هيتكلم الأمن هياخده، لكن ده مش حقيقي مافيش اى قيود على الكلام".
وتابع: "مش بقول الكلام ده للاستهلاك المحلي، الناس حرة تماما في كل آرائها وكل تصرفاتها، ولكن مافيش حرية في القيام بأعمال تضر البلد".
واستطرد: "انتوا قولتوا كلام صعب وانا استحملته، ياترى هتستحملوا الكلام اللى انا بقوله ولا ايه.. فيه واحد بيقول انا مايهمنيش غير المم، لاكن اقوله البني آدم اللى انت هتخلفه مش المم بس يعيش بيه، لكن التربيه والمعيشة والأكل".
وأشار الرئيس إلى الدولة تدعم المواطن ب100 جنيه في سعر أسطوانة البوتاجاز، و50% من سعر الوقود
والطاق، بالاضافة غلى الدعم التمويني".
وتعرض القنوات المصرية اليوم الثلاثاء، الحلقة التلفزيونية "رئيس وشعب 2018" الذي كشفت المخرجة ساندرا نشأت عن البرومو الخاص بها الخميس الماضي، ويظهر فيه الرئيس السيسي مجيبًا على أسئلة للمخرجة السينمائية والمواطنين، حول فترة رئاسته الأولى.
يذكر أن المخرجة ساندرا نشأت حرصت في مرحلة ما بعد ثورة 30 يونيو، على أن يكون لها دور إيجابي، وتستغل مهنتها في خدمة المجتمع، فبدأت بصناعة أفلام قصيرة بالتزامن مع المناسبات الوطنية، كان أولها "مصر جميلة" الذي حثت
فيه الشعب المصري على المشاركة في الاستفتاء على الدستور في 2014، وفي نفس العام أيضا صنعت فيلما آخر بعنوان "بحلم" تنقل فيه أمنيات وأحلام الشعب إلى الحاكم، وكان ذلك قبل انتخابات الرئاسة 2014، التي تنافس عليها الرئيس السيسي والمرشح السابق حمدين صباحي، وأخيرا أعلنت عن "رئيس وشعب" الذي تنقل من خلاله نبض الشارع إلى الرئيس.
شاهد الفيديو: