نشطاء يهاجمون أدمن "أبوإسماعيل" بسبب الإشارات الربانية!

أكدت صفحة "لا لحكم العلمانيين والليبراليين مصر" أن الشيخ حازم صلاح أبو إسماعيل المرشح المحتمل لرئاسة الجمهورية، هو رئيس مصر القادم لا محالة وأن بطاقة الرقم القومي لأبو إسماعيل تحمل دليل فوزه في السباق الرئاسي لوجود إشارات ربانية بها -على حد قولهم -، وهو ما قوبل بالسخرية من قبل بعض النشطاء على موقع "فيس بوك".
وقال أدمن الصفحة معلقاً على صورة الرقم القومي لأبو إسماعيل: "كلما أحسست بالشك في قدرة عالمنا الجليل شيخ حازم على قيادة الأمة، جاءت لي إشارات ربانية لتدحض هذه الشكوك، شيخنا ابو اسماعيل أخوتي وأحبتي في الله الوحيد اللي ربنا عز و جل وفقه، إنه يضحك ضحكة واضحة وصريحة مليئة بالثقة والكبرياء في صورة البطاقة!".
وتابعت الصفحة: "ومن ضحكة الشيخ التى أحسستها وامتلأ يقيني ووجدانى بها بأننا سوف نحيا كراماً وسبحان الله لا حول ولا قوة الا بالله يوم ميلاده نفس ارقام سنة ميلاده معكوسة!، واذا نظرت بدقة هتلاقي إن تحت النسر على ظهر البطاقة مكتوب رقم "1" و هذا يدل على حصوله على المركز الأول بمشيئة الله تعالى في الانتخابات الرئاسية والله المستعان".
وتهافتت التعليقات الساخرة على الصفحة ومنها تعليق هبة شريف: "إيه يا ادمن الهبل ده احنا خلصنا من الشيخة شريفة هتطلعلنا انت؟!"، وأضاف ماهر مكرم ضاحكاً: "علي كده بقي كل اللي بطاقتهم فيها رقم 1 يبقوا رؤساء للجمهورية"، بينما قال محمد درواني: "الغباء لا دين له".
وأضاف إسلام حسني موجها كلامه للقائم على الصفحة: "إيه العار الي انت بتقوله ده بس، هيا الحكاية ناقصة جهل، بجد انت وامثالك من شوه صورة الاسلام والمسليمن"، وقالت منار منجد: "ده بجد، مش معقول يكون فيه إنسان في سنة 2012 ولسه بيفكر كده التفكير ده انقرض خلاص"، بينما قال أحمد عطاالله: "ناقص تقول إن النسر ده هو (خاتم النبوة)
بلاش هبل، لو استمريتوا في السخافات دي، هغير رأيي في أبو إسماعيل".
وقال محمد محروس ساخراً: "ده البطاقة مليانة من خيرات الله، ده اسمه فيه اتنين محمد، وحازم من الحزم والانضباط، وصلاح جايه من صلاح حال البلاد والعباد، وأبو إسماعيل يعنى سيدنا إبراهيم أبو البشرية، و 6/1 يعنى أهلاوووى صميم، و 16/6/1961 يعنى أكبر من عمرو دياب ب 4 شهور يعنى هضبة بردو، ومحامى يعنى حامى فى أخذ الحق للمظلوم، بجد حرام التخلف ده كل ده وبعد كده نقول الحاكم اتحول لإله على الأرض، ارحمونا بقى".