رئيس الأهلي استغل منصبه لدعم شقيقه في انتخابات‮

حصلت‮ »‬الوفد‮« علي فيديو يؤكد استغلال طارق عامر رئيس مجلس إدارة البنك الأهلي المصري،‮ منصبه بالبنك في دعم شقيقه وحيد عامر أثناء ترشيحه لعضوية مجلس الشعب عن الحزب الوطني‮.
‬وأنفق عامر‮ 6.‬5‮ مليون جنيه تبرعات لمدن المنيا وسمالوط وقريته أسطال دون أن يفصح عن مصدر الأموال،‮ وجعل الأولوية في التعيين بالبنك لأبناء قرية أسطال التابعة لمركز سمالوط في محافظة المنيا‮.‬
وسخر عامر إمكانيات البنك الأهلي المصري ودور العبادة في قرية أسطال،‮ بالمخالفة للقانون واستغلال سلطاته ونفوذه حيث وقف في مسجد بقرية أسطال يخطب في الناس قائلا‮: »‬حافظنا علي كرامتنا وشرفنا وكان ممكن نتملق السلطة علشان نعيش،‮ ولكن إحنا تمسكنا بالمبادئ وكان لينا ثأر،‮ وأنتم عارفينه وقعدنا كذا سنة نصلح في الأوضاع‮« وانطلقت هتافات داخل المسجد‮: عامر عامر عامر‮.‬
وقال‮: »‬أنتم عارفين عبدالحكيم عامر كان تحته البلد كلها،‮ تحت إيده وخرج لا يملك حتي شقة في مصر،‮ ولا جنيه في البنك،‮ دولا الناس الشرفاء في بلدنا وكملنا بنفس الطريقة وبنينا البنك الأهلي وخليناه مفخرة في الخارج‮«.‬
وتابع‮ »‬إحنا هنا لأن أخويا‮ »‬وحيد‮« -‬وحيد عامر مرشح الحزب الوطني‮- نازل الانتخابات ولازم يبقي لنا وضع ولازم نكسب،‮ إحنا مش نازلين الانتخابات علشان حد يغتني زي الناس ما بتعمل إحنا نازلين الانتخابات علشان نخدم الناس،‮ وإحنا خدمنا الناس من‮ غير انتخابات،‮ ولازم الكل يتحرك ويجيب أصوات ولما وحيد يتحرك لازم يمشي وراه‮ 2000‮ واحد‮«.‬
وأضاف‮: لم نعين أحد من بلاد تانية،‮ بيكلموني كل نواب ووزراء ومحافظي مصر لتعيين أولادهم وأنا لا أعين أحد ومعاكم ناس من البنك الأهلي في سمالوط وأنا الأولوية لأهل أسطال،‮ والأولوية للمنيا،‮ إحنا تبرعنا للمنيا بخمسة ملايين ولسمالوط بمليون جنيه ولأسطال ب500‮ ألف جنيه،‮ ميصحش أن عائلة عامر لا ينجح منها أحد ولازم وحيد ينجح وهتف الناس داخل الجامع‮: »‬عامر‮ غيره يابلاش واحد‮ غيره ما ينفعناش‮«.‬
وتابع‮: »‬البلدان التانية‮ غيرانة لأنه لا يتم تعيين أحد فيها،‮ ولا يستطيع نواب مجلس الشعب تعيين أحد‮« و»البنك الأهلي يدير‮ 300‮ ألف مليون جنيه دي أموال الشعب المصري أنا حافظت عليها،‮ وكانت بتروح،‮ علشان كده خيرها هينزل البلد دي‮«.‬