بمجرد إقلاع الطائرة الأمريكية التى استقلها المتهمون فى قضية التمويل الأجنبى عبر الأسطي "زلطة" عن وجهة نظره بمقطع فيديو على موقع ال "يوتيوب" قائلا: "إن الموضوع أبسط مما يتخيله الجميع، ما دام طلعنا بمصلحة وأخدنا منهم فلوس، يبقي يسافروا وأكيد إحنا مش هنشوفهم، ولا إحنا علشان كتير في مصر وعددنا أكثر 80 مليون وهما 16 واحد يبقي نتشطر عليهم، ويقولوا علينا قدام العالم أننا مش ولاد بلد وحبسناهم". وقال زلطة: "إننا سنصرف مصاريف كثيرة لو حبسناهم: هنأكلهم، ونشربهم، ونجبلهم صابون علشان يستحموا، وأمواس حلاقة كمان". وأضاف أننا بذلك المستفيدون: "ناخد منهم الفلوس، ونمشيهم ونعلم عليهم، ونقول لهم لو جيتوا هنا تاني هنزعلكم". وأكد الأسطي زلطة أننا "في الافترى مفتريين وإحنا مش عايزين نفتري، ولكن الحل نعلق يافطة، مكتوب عليها "يا بخت مين قدر وعفى"". وعلق أيضًا على كلام المشير حسين طنطاوي رئيس المجلس الأعلى للقوات المسلحة قائلاً: "إن سيادته أكد أننا مش هنركع ونخاف، يعني بالبلدي اللي هيقرب مننا هنرش عليه مياه نار، والمشير جابلهم من الآخر فقلقوا". وتحدث الأسطي "زلطة" أيضًا عن عجلة الإنتاج وما حققناه من مكاسب جراء سفر المتهمين الأجانب، فأوضح أننا لم نوفر لهم طائرة لأننا معندناش بنزين، وأضاف أنهم دفعوا أرضية لطائرتهم بمطار القاهرة، ونفعوا العاملين بالمطار عن طريق شرائهم للأكل، وتحميل حقائبهم. وطالب الأسطي "زلطة" في النهاية المسئولين باتخاذ مواقف جادة وحازمة تجاه من يحاولون تخريب البلاد، ويعطلون نفخ عجلة الإنتاج بالمظاهرات، واستمر في تأكيد موقفه من سفر الأجانب المتهمين ب "يا بخت مين قدر وعفي". http://www.youtube.com/watch?feature=player_embedded&v=uCLH_cD4BSY