أم مصطفى: ابني لسه مصلي الفجر في الجامع

انتشرت على الفيس بوك الكثير من صور شهداء مباراة الاهلي والمصري، كانت أكثرها تداولا هي صورة الشاب مصطفي عصام.
والذي كتب عنه أحد أصدقائه على الفيس بوك: "ياما كلت معاه عيش وملح.. وكان معانا في قوافل الخير اللي كنا بنعملها لتحضير شنط رمضان وغيرها من الاعمال التي كانت تساعد المحتاجين، وعمري ما شوفته في مرة إلا وهو بيضحك ومن قلبه، وراح يشجع الأهلي في الماتش مات مقتول مكملش عشرين سنة وراجع لأهله في نعش".
وأضاف: "عندما كلمنا والدته لكي نطمئن عليه قالت لصديق لينا: والنبي يابني شوفلي إبني فين والله إبني كويس دا لسه مصلي الفجر في الجامع اللي جنب البيت الصبح والنبي شوفلي إبني يابني..، مما أدى إلى شعورنا بضرورة أخذ تاره.. أقسم بالله لنجيب حقه هو وكل اللي زيه".