اسمعونا للنهاية

25 يناير قولنا صَحوَه حنتكلم بعد طول سكوتنا
نقول بصوت عالى رَأينا إسمعونا للنهاية ماحدش يسكتنا
الشباب طالب بحقوق سنين بعد ما كنا ساكتين
تعديل الدستور ومحاكمة الظالمين فى كل مكان وفى وسط الميادين
قولنا المارد صَحى وفرد إيديه بعد نوم طويل فَتَح عينيه
ياأهل المسئولية هى دى مطالبنا إسمعوا كلامنا نفذوا حقوقنا
إحنا ولاد الشعب إسمعونا ماتقولوش شويه عيال وتِهملونا
إحنا شباب الكمبيوتر والنت إحنا التكنولوجيا فينا الولد والبنت
ماحدش سمعنا وهانونا وفى طريقنا لوحدنا سابونا
نِكلم نفسنا نبص لبعضنا
إتجمعنا فى الميادين وقولنا ليا حقوق نفذوها
ياكبار المسئولين عايزيين حوار ومطالبنا إسمعوها
دَسوا فى وسطٍِينا البلطجية مونُوهم بكل خطط الأذية
ناس قلوبها منزوعة منها الرحمة قالولّهُم خُشوا فى وسط الزحمة
بالملوتوف والرصاص ضربونا أعداد كتيرة علينا سلطوها
حتى وقت الصلاة بالمايه رَشونا قُصدهم عن بعض يفركشونا
عايزين صوتنا مايعلاش واللى حوالينا مايسمعوناش
كأننا فى بلد تانية غريبة علينا تصرف جديد اول مره تشوفه عنينا
كفاية مناهدة ماتعبتوش إصابات وقتل برضه ماإكتَفِتُوش
لصالح مين ده اللى بيحصل ببلدنا الغالية كِده نوصَل
مأجوريين والتمن قابضين دمرتم البلد ياظالمين
ربنا أقوى منكُم ومعانا ماسك بإيدينا ح ينصُر خُطانا
كمال عطيه ابراهيم
الإسكندرية
gbarby27@yahoo.com