فيديو.. خالد الجندي: التيار السلفي "بيرضع تحريم "

استنكر الشيخ خالد الجندي، عضو المجلس الأعلى للشئون الإسلامية، فتاوى بعض مشايخ السلفية بتحريم الاحتفال بالإسراء والمعراج، قائلًا: "التيار السلفي المعروف عايش على الرضاعة على التحريم، حرموا علينا حتى الأكل والشرب".
وتابع الجندي، خلال تقديمه برنامج "لعلهم يفقهون"، المذاع على فضائية "dmc": "الناس اتربت على ذهنية التحريم، وإحنا دلوقتي عايشين في زمن الفتنة العجيب، دول حرموا علينا كل حاجة حتى إننا نهنئ بعض فى رأس السنة الهجرية".
وأكد عضو المجلس الأعلى للشئون الإسلامية، أن الإسلام يعيش في زمن الفتنة، وأصبح المجتمع منقسمًا إلى فصيلين، الأول متشدد حرم كل شيء على الناس حتى الأكل والشرب.
وتابع الجندي: "الجانب التاني المتطرف عايش فى البالوظة، البنت تسافر لوحدها وتلبس محزق، وسابيه شعرها وجسمها عريان، ويقولك خليك أوبن مايند، وبنته ترجع الساعة 12 بالليل، وتقولك هو أنت مش واثق فى يا بابا".
واستكمل: "بقينا عايشين وسط جانبين متطرفين بيصفوا حساباتهم على الفضائيات، والغلابة ضايعين بين ناس بتتكلم باسم النبى وتشوه صورته، وناس تانية بتحطم في القرآن، والله عمرى مشوفت فتنة زى دى".