فيديو..اللواء منصور لعضو 6إبريل:"أنت مش متربى"!

شن اللواء محمود منصور هجوما ضاريا على المهندس طارق منير المعيد في هندسة طيران الجامعة الألمانية، وعضو المكتب السياسي المنتخب لحركة 6إبريل الجبهة الديمقراطية، أثناء لقاء تليفزيونى مع الإعلامية رولا خرسا، واصفا إياه بأنه "مترباش" لأنه يصف "أسياده" فى المجلس العسكرى بأنهم كاذبون!
وتابع اللواء منصور :"مصر انتصرت، والثورة انتهت، والحركات اللى مخها ضارب واللى بيعبر عنها الأستاذ اللى مترباش اللى قاعد قدامى، دول مش عاوزينهم، ده جيل ضحية تربية العادلى ومبارك، ومن واجباتى أنى أعلم هذا الجيل ما بعد الثورة"!
وقد أثارت واقعة سب اللواء منصور للناشط ردود أفعال غاضبة من النشطاء على مواقع التواصل الاجتماعى، فيما رحبت صفحات الفلول ومن بينها " VTV"، و"محبي الرئيس حسنى مبارك" بسب اللواء ل6 إبريل، واصفة ذلك بأنه وصف يستحقونه، وليس سبا!.
وفى رد منها قالت صفحة "ثورة مصر": "مفيش حاجة اسمها أسياد وعبيد يا سيادة (اللواء) إلزم أنت حدودك، واتكلم مع الشباب اللى رجعوا كرامتك بعد ما كنت ساكت عن الحق أيام مبارك وخايف وجبان، ولو فضلتوا تعاملونا على إننا عبيد بفكركم العقيم دا إحنا برضو هنعاملكم كخونة وجبنا"، ومن على الصفحة قالت مشاركة لشخص يدعى علياء برهان:"ماهي دي اخلاق اللواءات عادي، وبيقول ان الثورة انتصرت ماهي انتصرت باللي بتشتمه، وانت كنت من رجالة مبارك، وعلى العموم معلش ياشباب 6 ابريل يارجالة، انتم شيلين علي اكتافكم غرض نبيل يااجمل واجدع واكرم شباب على وجه الارض".، وتقول مشاركة من رضا الجمال:" لا يجب أبدا الهجوم على الشباب الثورى الجميل، نحن الجيل القديم يجب علينا الخجل والتوارى والأنزواء امام الجيل الشاب الجديد، يكفينا الخوف الذى ملا قلوبنا طوال العهود الماضيه، هذا المسمى اللواء منصور يجب ان يعتذر للشباب، كفايه مهانه وقلة أدب من الكبار المخرفين اللى عايشين الدور السخيف"، وتقول مشاركة من " أحمد باهر:" انا ومعي اختلافي الشديد معي حركة 6 ابريل لكني ارفض وبشدة ان يقول للشاب المصري ان اسيادة المجلس العسكري، ليس بيننا احد" سيد علي احد ولكن سيد القوم هو حاميها وليس حراميها ومنافقيه"، ويقول عاطف حماد:" اللى بيقول"يقل أدبه على أسياده"، لازم يترد عليه بأن دول اسيادك أنت لوحدك، .دول خدامين الشعب و لحم أكتافهم من خير المصريين و اللى بيلهطوه فى كروشهم بقالهم 60 سنة من دمنا و عرقنا"، وتقول كوثر بدر :" ثبت من كلام اللواء انه خبير فعلا، بس فى الكذب والكلام الفارغ لأنه بيقول انتم عملتم ثورة، والثورة نجحت وخلاص مش عايزينكموا لانكم سقطم فى انتخابات مجلس الشعب، ايها الخبراء الاستراتيجين كفاية خربتم مصر ثلاثين سنه تربية مبارك والعادلى هم الخبراء الاذلاء لاعقى البيادات".
ومن جهتها أكدت 6 أبريل أنها ستستمر فى فضح أكاذيب المجلس العسكرى، وقالت فى بيان لها على " فيس بوك " فى بيان لها:" نتابع حملة التشويه الشرسة ضد الحركة وضد كل داع للتغيير عبر الأكاذيب التى يتم ترويجها برعاية وبإشراف المجلس العسكرى، لكن الشعب واع ويعرف جيدا من يضلل ومن ينقل الصورة بواقعية".
شاهد سب اللواء للناشط