نعيمة: "حلمي كشك أصرف على أولادي منه"

يسيطر على ملامحها الرضا والصبر بما قسمه الله لها، فبعد أن مرت بأزمات عدة من مرض لم تستطع العلاج منه ووفاة زوجها إلا أنها مازالت صامدة، سيدة تجاوزت الخمسين من عمرها ذاقت مر الزمان منذ أن كانت في ريعان شبابها لم تعرف للسعادة سبيل.
نعيمة محمود البالغة من العمر 56 عامًا، تعمل في بيع المناديل الورقية والليمون بعد وفاة زوجها منذ عشرين عاما، تقول السيدة الخمسينية "بقالي 20 سنة في الفرشة دي من بعد ما جوزي مات وسبلي 4 أولاد أخدت مكانه".
وتستكمل نعيمة قصة كفاحها "أنا علمت أولادي من الفرشة دي لكن اللي بجيبه من الفرشة مش بيكفي المصاريف والمعاش 250جنيها مش بيعملوا حاجة"، وأثناء حديث نعيمة أندفعت لتقول "الشقة إيجارها 500 جنيه والأسعار غليت حرام والله اللي احنا فيه ده ميرضيش ربنا".
وطالبت السيدة الخمسينية المسئولين بسرعة إيجاد كشك لها ليكون لها مصدر رزق ثابت "أنا مش قادرة على مرمطة الشارع بعد ما عملت 5 عمليات كل اللي عايزها كشك أصرف منه على أولادي".