شاهد.. صلاح دياب: نحتاج "بطرس غالي ورشيد"

رفض رجل الأعمال صلاح دياب، الهجوم على وزيرة الاستثمار الدكتورة داليا خورشيد، قائلا: "لو جبتو ادم سميث عالم الاقتصاد الإسكتلندي، علشان يتولى وزارة الاستثمار في مصر، مش هيقدر يعمل حاجة".
وأضاف "دياب" خلال مداخلة هاتفية ببرنامج "كل يوم" على قناة " ON E"، مساء اليوم الأربعاء، متسائلا: "أنا كمستثمر أدخل مصر ازاي وانا الدولار مش عارف بكرة بكام؟ أنا لو قولت بسم الله الرحمن الرحيم هبدأ الاستثمار، هخسر ربع رأس مالي علشان الدولار"، مشددا على ضرورة الاسراع في حل أزمة الدولار، ووضع قوانين ضريبية ثابتة.
وتابع: "عشان استثمر بنتخب البلد اللي هحط فيها فلوسي، وأنا شخصيا لو مسكت وزارة الاستثمار لن أنجح لأن العملية مرتبطة بأوضاع صعبة"، مؤكدا أن مصر في حاجة إلى "شخصيات سوبر" ليتولوا الوزرات، مضيفا: "كل الشخصيات السوبر اللى عرفناهم هربانين من احكام ظلم، برة مصر، وممنوع التعامل معاها، احنا دلوقتى بناخد الشخصيات نمرة 2 ونمرة 3 أو الرديف بتاع السوبر، وانا في ازمة ومحتاج شخصيات الصف الأول".
واستطرد: "محتاج يوسف بطرس وزير المالية الأسبق، ومحتاج رشيد محمد رشيد، وزير الصناعة الاسبق، و محمود محيي الدين وزير الاستثمار الاسبق، لان الوضع دلوقتى مش متحمل انى اجيب أنصاف الشخصيات وأنصاف الخبرات".
شاهد الفيديو: