طق مات..!!

**المشير عبد الرحمن محمد حسن سوار الذهب - من مواليد مدينة الأبيض السودان عام 1935 والرئيس السابق للجمهورية السودانية، ورئيس مجلس أمناء منظمة الدعوة الإسلامية. استلم السلطة أثناء انتفاضة أبريل 1985 بصفته أعلى قادة الجيش وبتنسيق مع قادة الانتفاضة من أحزاب ونقابات ثم قام بتسليم السلطة للحكومة المنتخبة في العام التالي.
استلم مقاليد السلطة بعدانقلاب عسكري في السودان بأمرة ضباط على رأسهم الفريق تاج الدين... واللواء عثمان عبد الله وتقلد رئاسة المجلس الانتقالي إلى حين قيام حكومة منتخبة وارتقى لرتبة المشير فورا. و سلم سوار الذهب مقاليد السلطة للحكومة الجديدة المنتخبة برئاسة رئيس وزرائها الصادق المهدي - ورئيس مجلس سيادتها أحمد الميرغني وبعدها اعتزل العمل السياسي ليتفرغ لأعمال الدعوة الإسلامية من خلال منظمة الدعوة الإسلامية كأمين عام لمجلس الأمناء..
سوار الذهب كتب اسمه فى التاريخ بأحرف من ذهب ..فهل تتكرر تلك الشخصية العربية المبهرة؟
**ياشعوبنا العربية لماذا لا تصدقون أن سوار الذهب.. ذهب..!!
إبراهيم عيسى قال على قناة التحرير: الكاتب الصحفى **
محدش يفتى فى السياسه الا بعد ما يسأل ..أصل الناس كلها بقت تحب تفتى
** الكذب المحض مطية الفاجر.. نصيحة لبعض الاعلامين و بعض الزملاء الصحفيين.. مش كفاية انشاء صفحة امسك فلول على الفيس بوك ..وينبغى إنشاء صفحة امسك مسيلمة
** الله يرحم السيجارة البلمونت كان بيسهر يخمس فيها للصبحية مع الرفاق بيقرو فى كنوز اليسار واول ما العلبة تخلص.. يفز صاحبنا زنهار.. ويسألوه: رايح على فين؟! يرد :عندى ميعاد مع علبة كينت .. شوف مصلحتك يا سيد
**ولاول مرة يشتكى يحيى من صاحبه بولس ابو كرستين .. ولأول مرة و بعد عشرين سنة ياخد باله من لحيته اللى مربيها من سنة تمانين .. ولأول مرة بولس لهجته بتتغير ويسك باب بيته و تخف رجله من عند أبو حسين .. والفضل يرجع للإعلام الحر المر اللى قسمنا أقباطا وسلفيين.. الشعب المصري مش عبيط ولا ها تخيل عليه اللعبة يا إعلام غبى وابن ستين .. والمرة دى قنواتكم ها تتقفل وترجعوا تشحتوا عند الحسين .. مش قلنالكم متلعبوش بالنار.. غلب الحمار.. وبولس هيرجع ليحيا احسن من الاول وبابه هايفتحه ولو قلتم على جيرانه دول قاعدة وارهابيين ..
** للأسف وقعنا فى الفخ وانشغلنا بالرمانة اللى انفركت ..واكتشفنا اننا احنا الرمانة .. والفضل يرجع للسادة الاعلاميين الفلول اللى ملهمش سيرة غير السلفية والاخوان والعلمانية والليبرالية ..وكرهونا فى بعض..
** شعار الإعلامين على الفضائيات حاليا .. مع الفلول ذلك أفضل
**اول قرار للجنزورى.. بعد استقالة حكومة ال" غاز" شرف سابقا تحويل مصانع المياه الغازية الى تصنيع قنابل الغاز المسيل للدموع
**الجنزورى بيرد على معارضيه حول كبر سنة انه مش جاي يشيل حديد .. هو ما يعرفش ان اسانسير مجلس الوزراء عطلان وهيطلع على السلم
الى ضباط الشرطة .. خلى بالك الكاميرا بتصورك .. جدع يا باشا جت فى عين الواااد **
لابد من تغيير شعار الشرطة فى خدمة الشعب .الى شعار " نشل واضرب .. يحميك يابنى
سؤال :"لماذا لا تتجه وزارة الانتاج الحربى الى تصنيع الغاز المسيل للدموع بدلا من ان نستورد من الخارج الغاز المضروب..؟! اكيد الطلب عليه هيبقى كتير الايام اللى جاية وبكده نضمن ان اولادنا فى المظاهرات هايشمو غاز يحمل شعار صنع فى مصر .. وعلى الاقل يبقى مضمون من وزارة الصحة
**مصر تعانى من ازمتى غاز .. الاولى نقص فى انابيب البوتاجاز ..والثانية الافراط فى استخدام قنابل الغاز
**مطلوب من الحكومة الجديدة انشاء مستشفى لعلاج الثوار من ادمان الغاز المسيل للدموع وماشاء الله شباب مصر تقدم فى الكيمياء وأصبح يفرق بين الغاز الفريش والبايت..
**عبد المنعم أبو الفتوح قال :اعلم ان الانتخابات عرضك السياسي..
اعتقد ان الاقبال الهائل على الصناديق يؤكد ان الدنيا فى بلدى اتغيرت ومحدش بقى يستخدم الولاعة.