شاهد .. مدرب المنتخب عن التصنيف: "المتشائم يروّح"

قلل محمود فايز المدرب العام للمنتخب الوطني ومُحلل الأداء، من أهمية تصنيف المنتخب قبل قرعة تصفيات كأس العالم، مؤكدًا أن الفريق القومي لديه حلم لن يتنازل عنه بالصعود للمونديال.
وقال فايز عبر حسابه الشخصي بموقع التواصل الاجتماعي "فيس بوك": "شايف ناس كتير متشائمة بموضوع وقوعنا في التصنيف التاني، إحنا كجهاز معندناش غير أمل وتفاؤل وإصرار وحماس، مش بنوعد بحاجة غير العمل والجهد والإخلاص علشان حلمنا كلنا، مش شايفين غير هدف التأهل قصادنا وكل المنتخبات ما هي إلا محطات للوصول، مش شايفين قصادنا غير لاعيبه متحمسة من روحنا ودمنا، لاعيبه مصرية رجالة هدفها واحد وعلي قلب رجل واحد، مش شايفين غير جماهير نفسها تفرح وواقفه ورانا علشان فرصتنا كلنا، وهدفنا كلنا، وحلمنا كلنا، ومحدش هيقدر يمنعنا من الحلم والأمل، مهما كان اسم اللي هنواجهه، من حقنا الفرصة، ومن حقنا الحلم... وبأيدينا إن شاء الله هنخليه واقع وحقيقة والمتشائم يروح".
_________".