بالفيديو.. بعد إثارته للجدل.. بائع الفريسكا يعترف: "كذبت على الفيس بوك"

أكد يوسف السيد راضي والشهير ب "بائع الفريسكا" أنه بائع متجول، وكان يبيع الجندوفلي فترة طويلة، لافتًا إلى أنه ظهر كبائع جندوفلي في حلقته مع الإعلامية إسعاد يونس بالفعل.
وقال خلال لقائه مع الإعلامية "إيمان الحصري" ببرنامج "90 دقيقة" المذاع على فضائية "المحور": "عندما ظهرت في برنامج صاحبة السعادة مع الإعلامية إسعاد يونس كان أوردر البرنامج عايز واحد بيبيع جندوفلي وأنا بعرف أعمل ده فأيه يخليني اتكلم عن الفريسكا".
وتابع: "بالنسبة للفريسكا فأنا نزلت القاهرة علشان أبيع فريسكا .. وعلشان البدلة اللى أنا لابسها دي مصمم أزياء معروف، عملها علشاني ..علشان يوسف بياع الفريسكا وهي اللي ظهرت بيها في الصورة اللي خربت الدنيا".
وأضاف: "كنت في أحد المناسبات ليلة رأس السنة وكان أوردر شغل وروحت أبيع فريسكا، وكذبت على فيس بوك وقولت أنه مش أنا علشان والدتي والبنت اللي أنا مرتبط بيها، الدوشة خلتني أكدب، ومعايا صور كتير بالفريسكا".
وأشار إلى أنه لم يصنع لنفسه نموذج الشاب المكافح المثالي، بل وسائل التواصل الاجتماعي والفضائيات هي من صنعت هذا، مؤكدًا على أنه شاب عادي.
وتابع: "أنا مدورتش على حد وقولتله اشهرني أو أعملنى بطل، هما كتر خيرهم عملوا ده".
وانفعل قائلاً "أنا بنام على الأرض عادي .. ومش لازم ألبس مقطع علشان أصعب عليكوا، أنا عمري ما قولت أنا شيخ ولا أنا شاب مثالي .. وبالنسبة لمسألة المنح، هما اتنين واحدة من الاتحاد الأوروبي والثانية من MSA".
رابط الفيديو..