"يوسف" أداة النظام من بائع فريسكا إلى "جندوفلى" إسكندرانى

تشتعل مواقع التواصل الاجتماعي ببعض الشخصيات أو القصص التي تكون أحيانا حقيقية وأحيانا أخرى وهمية أو مفبركة، وكان آخرها حالة "يوسف بياع الفريسكا".
فعلى مدار الأيام الماضية، سيطرت على مواقع التواصل الاجتماعي قصة "يوسف بياع الفريسكا" الذي ظهر بشخصتين على شاشات التليفزيون مرة كبائع للفريسكا ومرة أخرى كبائع للجندوفلي وهو ما وصفه بعض رواد موقعي "فيس بوك" و"تويتر" بأنه وهم ونصب من قبل الإعلاميين بالفضائيات.
في السياق ذاته، قالت بسمة العوفي، معدة في مجموعة قنوات MBC، إن يوسف عبدالراضي الشهير ب"يوسف فريسكا"، الذي ظهر في برنامج "آخر النهار" مع الإعلامي محمود سعد، هو نفسه يوسف جندوفلي، الذي ظهر كبائع للجندوفلي في برنامج "صاحبة السعادة" الذي تقدمه الإعلامية إسعاد يونس، مؤكدة أنها اتصلت ب"يوسف" وقال لها "أنا باعمل أي حاجة تجيب فلوس"!!
وكتبت مغردة في منشور عبر صفحتها على موقع "فيس بوك" ساخرة: "استخرج 10 اختلافات، بين يوسف فريسكا ويوسف جندوفلي! في الصورة اللي على اليمين، يوسف عبدالراضي، بياع فريسكا، جه القاهرة (حسب كلامه) من 4 سنين وبيشتغل الشغلانة دي من مدة، وظهر مع محمود سعد بتاريخ 24 ديسمبر 2015".
وأضافت "في الصورة اللي على الشمال، يوسف عبدالراضي برضه، بس بياع جندوفلي، صنعته فواكه البحر والجندوفلي اللي بينزل يصطادهم كل يوم من بحر إسكندرية! (مع إنه عايش في القاهرة من 4 سنين)، ظهر في برنامج "صاحبة السعادة" بتاريخ 5 مايو 2015".
وتابعت: "يوسف (بياع الجندوفلي) لما ظهر، كان عادي وماحدش اتكلم عنه، اختفى شوية وظهر في صورة (يوسف فريسكا) اللي كل الناس اتكلمت عنه واللي أخد منحة للدراسة في معهد بريطاني، وبيتكلم عن الشباب اللي قاعدين على القهوة مش لاقيين شغل، وبيديهم نصائح في الأمل والإصرار و"خليك ورا حلمك" والكلام الكبير ده".
وأكدت بسمة أنها هاتفت يوسف للتأكد من حالة التناقض ليوسف بين البرنامجين فقالت: "أنا كلمت يوسف بنفسي، وسألت عن الموضوع، قال إنه خاله (بياع فريسكا) برضه وكان مطلوب منه يطلع في حلقة لإسعاد يونس، والإعداد طلبوا منه لو يعرف بياع جندوفلي، فخاله سأله لو يحب يطلع، وقاله ماشي".
وأردفت: "يوسف قالي إن عيلتهم كلها بتشتغل في أي حاجة بتتاكل في البحر، وإنه ممكن كمان يطلع في المستقبل كبياع حاجة تالتة، وقالي أنا باعمل أي حاجة تجيب فلوس، وبعدين استأذن وقفل معايا عشان هيروح يتكرم في القرية الفرعونية لأنه الشاب المثالي".
وأعربت بسمة عن حزنها لذلك التناقض في شخصية ذلك الشاب فقالت "أنا مش مشكلتي إنه اشتغل شغلانتين غير بعض، لكن في إنه يقول إنه بياع جندوفلي في إسكندرية وبياع فريسكا في القاهرة (في نفس الوقت)!!