فيديو.. الألتراس يؤرخ ل "إعلام السبوبة" بأغنية ساخرة

سخرت من شوبير وشلبي ويونس والغندور ومعروف

بالتزامن مع تصعيد غضبهم ضد رموز الإعلام الرياضي الذي ساهم طوال الشهور الماضية في شحن الأجواء داخل الوسط الرياضي، ونشر التوتر السياسي وترويج الاتهامات المختلفة للقوى السياسية المعارضة للحكم العسكري والمدافعة حتى الآن عن حكم مبارك، نشر شباب "الألتراس" أغنية جديدة تسخر كلماتها بقوة غير مسبوقة من كل من : مدحت شلبي وأحمد شوبير ومصطفى يونس وخالد الغندور ومحمود معروف.
الأغنية الجديدة لفتت الأنظار بكلماتها التى صيغت بحرفية لافتة وموسيقى الخلفية ذات التوزيع المتميز وهي بذلك تمثل تطورا نوعيا للأغاني التى عرف بها الألتراس.
تقول كلمات الأغنية التى انتشرت على الفيس بوك بالتزامن مع اقتحام شباب الألتراس لاستديوهات قنوات مودرن في مدينة 6 أكتوبر:
هنعلمكوا لحد امتى
الاولتراس مش علام
مش شغال عند امك
يا منافق قصدى الاعلام
قال عامل مش عارفنى
وتقول علينا مجانين
قال دم اخويا فى رقبتى
اومال حقه عند مين
برنامجه قاعة افراح
بيظبطلة المكياج
جرب تلبس باروكة
قوم رحرح واعمل مساج
وانا تاعب نفسى ليه
واقف انا واتكلم معاك
لا عندك حق يا باشا
سيادة اللواء نجم الشباك
اة يا بتاع مساء الانوار
برنامج اخبار اسرار
دا مذيعنا صاحب قرار
شلبوكا لاخر المشوار
مهما تلف ومهما تدور
هطلعلكوا لو قطع النور
يا صباح الخير يا صباح النصر
مدحت شلبى بطل فشر
-------------------------------
هنا بقى واستوب وحاسب
وارفع تعظيم سلام
وسع لسيادة النايب
شوشو رمز الاعلام
البيه على طول محايد
وملوش بقى فى النفاق
والناس كلها بتحبة
من شبرا لحد الوراق
معندوش وقت ضايع
عندة عقد احتراف
كل ساعتين برنامج
بالليل لمياء واللحاف
انا راجل وبتاع كله
واوعى تغير المحطة
انا رمز الحزب الوطنى
معنديش من الاحمر ولا نقطة
طب دى الكورة مع شوبير
برنامج مثير خطير
الساعة 6 كل يوم
عافية وذوق وبصل وتوم
انا هطلع يعنى هطلع
اشمعنى شلبى يطلع
استفتائنا فى السليم
امسحلى الجزمة يا ابراهيم
----
الخرم حكايتة حكاية
اعلامى فنى لحام
العقدة عندة جوزية
يطلعلوا وسط الاحلام
بيقول انا ابن النادى
ويهاجموا فى اى مكان
دى دماغ برشام يا يونس
هتوديك سكه ادمان
ايوة بحب علاء وجمال
نفسى ازورهم نفسى يا ناس
انا لسا صاين العشرة
لسا الخد انا عاملة مداس
وبساند ايوة شفيق
ومعاه فى الحمله اكيد
والثورة كمان بحاربها
ايوة انا عايز عبد وسيد
وبدرب فى المنتخبات
وبسيبها لجل القنوات
ومحلل بطيخ قديم
دى دماغ قالبه على برسيم
بفتى فى اى شىء يكون
كورة سياسية بنزيون
وفى برنامجى اراجوز
ضمير متباع مين يعوز
----
اما خالد الغندور
كان كومبارس فى الافلام
وراء هيفا كان بيدور
لقى نفسة وسط الاعلام
يا علاء بيه ترانى بكيت
انا قلبى يا ناس حساس
واشمعنا الثورة فى تونس
يلا الثورة دى كوخة يا ناس
شفت بعينى انا الوجبات
جوا ميدان التحرير
ايوة انا بفهم فى سياسة
بابى حكالى عنها كتير
بيقولوا عليا انا اوزعه
وكمان سمونى فطوطه
من عينى هتتزل دمعه
حسوا بالشاب دا بسكوته
ويقول فى جيبونا الملايين
وبناخد من مين ومين
وبيتكلم على الاخلاق
الله يرحم سب الدين
بين مقشة وبينه التار
على الشاشة فضايحهم عار
اعلام كفتة كباب ممبار
والسبوبة اصل الاخبار
----
أدى اخرة الاستهتار
سابوا معزة ويا خروف
دخل الشيطان ما بينهم
قاموا خلفوا محمود معلوف
طالع عالشاشة ينهق
سلملى على الاعلام
دى فصيله نادرة جدا
زى العوكش مفيش كلام
الردح دا عندة هوايه
اسلوب النقد شوارع
على طول يشتم فى الاهلى
وقت الحق صوته مش طالع
الصبح بيبقى صحفى
بالليل اعلامى مشهور
بالواسطة كله هيمشى
والحلاق يصبح دكتور
عندة شويه مهارات
فى التلحيس للبهاوات
وسميرة سعيد جت شردتلة
كام دولار والشماعات
شوفنى بقى فى استاد زمان
هتلاقينى بهلوان
عالتالتة شفنى كل خميس
اعلام بلدى اعلام رخيص