حركة 6 أبريل تدين العنف أمام الاتحادية

حملت الرئيس المسؤولية

أدانت حركة "شباب 6 أبريل" جبهة أحمد ماهر، قيام قوات الأمن بالاستخدام المفرط للعنف أمام قصر الاتحادية، مساء الجمعة، وتصاعد أعمال العنف والاشتباكات مع الأمن أخيراً، موجهة رسالة شديدة اللهجة للرئيس محمد مرسي حملته فيها مسؤولية ما يحدث.
وذكرت الحركة، في رسالتها التي وجهتها عبر صفحتها الرسمية على فيس بوك، ":عاوز تعرف دا بيحصل ليه يا مرسى؟.. أنا أقولك اللى بيحصل دا الدافع وراه مش مؤامرة خارجية ولا بلاك بلوك ولا جبهة الإنقاذ ولا 56743 فى الحارة المزنوقة، اللى بيحصل دا الدافع ليه هو خيبة الأمل".
وأضافت الحركة "خيبة أمل شباب ضحى بحياته ومستقبله وحريته وسمعته.. عارف يعنى إيه صاحبك يتضرب بالنار ويموت جنبك؟.. عارف يعنى إيه عينك تطير بخرطوش وتعيش بعاهة مستديمة طول عمرك.. عارف يعنى إيه تبقى بتدفع آخر جنيه معاك فى المترو ويتقال عليك قابض ومتمول، عارف يعنى إيه ست البنات تتعرى وتتصدق بعرضها حرفيا، وفى الآخر يتخاض فى عرضها على الهوا؟".
واختتمت الحركة رسالتها قائلة :"محمد مرسي .. أنت المسؤول عن اللى بيحصل دلوقتى أمام قصر الاتحادية، عندك وغرورك إنت وجماعتك هما اللى وصلوا الناس لكدة .. حرقتوا البلد وقسمتوها .. منكم لله".