6 أبريل لمرسي: فقدان الشباب الأمل سبب ما يحدث ضدك

وجهت حركة شباب 6 إبريل التي يقودها أحمد ماهر، رسالة شديدة اللهجة للرئيس محمد مرسي حملته فيها مسئولية ما يحدث، وأدانت الاستخدام المفرط للعنف أمام قصر الاتحادية .
وقالت الحركة - في رسالتها التي وجهتها عبر صفحتها الرسمية على "فيس بوك": "عاوز تعرف دا بيحصل ليه يا مرسى؟.. أنا أقولك اللي بيحصل دا الدافع وراه مش مؤامرة خارجية ولا بلاك بلوك ولا جبهة "الإنقاذ" ولا 56743 في الحارة المزنوقة، اللي بيحصل دا الدافع ليه هو خيبة الأمل".
وأضافت الحركة: "خيبة أمل شباب ضحى بحياته ومستقبله وحريته وسمعته.. عارف يعنى إيه صاحبك يتضرب بالنار ويموت جنبك؟.. عارف يعنى إيه عينك تطير بخرطوش وتعيش بعاهة مستديمة طول عمرك.. عارف يعنى إيه تبقى بتدفع آخر جنيه معاك في المترو ويتقال عليك قابض ومتمول، عارف يعني إيه ست البنات تتعرى وتتصدق بعرضها حرفيا، وفى الآخر يتخاض في عرضها على الهوا؟".
واختتمت الحركة رسالتها قائلة: "محمد مرسى.. أنت المسئول عن اللي بيحصل دلوقتي أمام قصر الاتحادية، عندك وغرورك انت وجماعتك هما اللي وصلوا الناس لكدة.. حرقتوا البلد وقسمتوها.. منكم لله".