باحث يكشف سر انحياز "ترامب" للعسكر فى مصر

كشف الباحث السياسى، تامر وجيه، الستار عن بعض الردود التي وردت أسفل تغريدة كان الرئيس الأمريكي "ترامب" قد نشرها بعد هجوم اللوفر.
قال "وجية" في تدوينته، المنشورة على صفحته بموقع التواصل الإجتماعي "فيسبوك" أن الرئيس الأمريكي دونالد ترامب كتب تويتة عن "الهجوم الإرهابي الإسلامي الراديكالي" على متحف اللوفر في باريس - لما واحد شاب اتحددت هويته على إنه مصري اشتبك مع الحراس بسيف (زي بتوع المدبح كده) والحراس ضربوه بالنار وهو بيقول "الله أكبر"، لكن محدش مات".
بحسب جريدة الإندبندنت البريطانية، ترامب استخدم في التويتة اللي حصل في باريس ل"تبرير" الحظر اللي هو فرضه على مواطني سبع دول ذات أغلبية إسلامية من دخول الولايات المتحدة، باعتباره يعني واحد من أساليب حماية الأمريكان من "الإرهاب الإسلامي".
اضاف "وجية" أن "اللطيف في القصة بقى هو التعليقات على التويتة. الناس فاشخة ترامب - بحسب تعبيره-، وتابع بقوله "اقروا التعليقات بنفسكوا".
أنا قريت أول كام واحدة. وكل اللي قريته شتايم في ترامب. واحد كاتبله "أنا شامم ريحة حرب جاية... النفط جذاب جدا مش كده"، وواحد كاتبله "أمة خائفة هي أمة أسهل في السيطرة عليها، رغم أنها لن تستطيع أن تأخذ قرارات أفضل، هل ما تريده هو أن تجعلنا أمة خائفة؟"، وواحد كاتبله "هجوم اللوفر واضح إنه من مصر، وهي دولة إنت محطتهاش في حظر السفر، وكمان دولة إنت عامل معها شغل بيزنيس كتير"، وواحد كاتبله "فرنسا برضه هي اللي على المحك، إحنا اللي عندنا رئيس نرجسي بيكتب تويتات عن تليفزيون الواقع وبيكدب في كل منعطف"، وواحد كاتبله "محدش مات في اللوفر، بس فيه ناس ماتت في كيبيك وكان هذا بسببك أنت"!!