أمريكي يكشف سر انحياز ترامب لمصر

ترجم تامر وجيه - الكاتب والباحث السياسي - بعض الردود التي وردت أسفل تغريدة كتبها الرئيس الأمريكي دونالد ترامب بعد هجوم اللوفر ، حيث قال: "هجوم إرهابى إسلامى متطرف فى متحف اللوفر فى باريس ..تم حجز السياح .. فرنسا على الحافة مرة اخرى .. فلنتصرف بذكاء في أمريكا".
وقال "وجيه" في تدوينة: "الرئيس الأمريكي دونالد ترامب كتب تويتة عن (الهجوم الإرهابي الإسلامي الراديكالي) على متحف اللوفر في باريس - لما واحد شاب اتحددت هويته على إنه مصري اشتبك مع الحراس بسيف (زي بتوع المدبح كده) والحراس ضربوه بالنار وهو بيقول (الله أكبر)، لكن محدش مات".
وأضاف: "بحسب جريدة الإندبندنت البريطانية، ترامب استخدم في التويتة اللي حصل في باريس ل(تبرير) الحظر اللي هو فرضه على مواطني سبع دول ذات أغلبية إسلامية من دخول الولايات المتحدة، باعتباره يعني واحد من أساليب حماية الأمريكان من (الإرهاب الإسلامي)".
وأضاف: "اللطيف في القصة بقى هو التعليقات على التويتة. الناس فاش...ة ترامب. اقروا التعليقات بنفسكوا" .. مضيفًا: "أنا قريت أول كام واحدة. وكل اللي قريته شتايم في ترامب. واحد كاتبله (أنا شامم ريحة حرب جاية... النفط جذاب جدا مش كده)، وواحد كاتبله (أمة خائفة هي أمة أسهل في السيطرة عليها، رغم أنها لن تستطيع أن تأخذ قرارات أفضل، هل ما تريده هو أن تجعلنا أمة خائفة؟)، وواحد كاتبله: (هجوم اللوفر واضح إنه من مصر، وهي دولة أنت محطتهاش في حظر السفر، وكمان دولة أنت عامل معها شغل بيزنيس كتير)، وواحد كاتبله : (فرنسا برضه هي اللي على المحك، إحنا اللي عندنا رئيس نرجسي بيكتب تويتات عن تليفزيون الواقع وبيكدب في كل منعطف)، وواحد كاتبله: (محدش مات في اللوفر، بس فيه ناس ماتت في كيبيك وكان هذا بسببك أنت)"